پیٹرول وڈیزل سستے ہونے کے بعد عوام کیلئے ایندھن سے متعلق ایک اور بڑی خوشخبری

حکومت کی طرف سے پیٹرول اور ڈیزل کی قیمتوں میں کمی کے ساتھ ساتھ ایک اور بڑی خوشخبری عوام کو سنائی گئی ہے جس میں مٹی کے تیل کی قیمت میں 17 روپے 33 پیسے فی لیٹر کمی کر دی گئی ہے، جس کے بعد نئی قیمت 450 روپے 15 پیسے فی لیٹر مقرر ہو گئی ہے۔ اسی طرح لائٹ ڈیزل آئل کی قیمت میں بھی 25 روپے 31 پیسے فی لیٹر کمی کی گئی ہے اور یہ اب 369 روپے 72 پیسے فی لیٹر پر آ گیا ہے۔

ذرائع کے مطابق نئی قیمتوں کا اطلاق فوری طور پر کر دیا گیا ہے، اور اسے مہنگائی کے دباؤ میں کمی لانے کی ایک اہم کوشش قرار دیا جا رہا ہے۔

یہ بھی پڑھیں:عوام کیلئے بڑی خوشخبری، پیٹرول وڈیزل سستا؟ سمری کی تیاری جاری، وزیر اعظم منظوری دیں گے

اس سے قبل وزیراعظم شہباز شریف نے قوم سے خطاب میں ڈیزل کی قیمت میں 135 روپے فی لیٹر اور پیٹرول کی قیمت میں 12 روپے فی لیٹر کمی کا اعلان کیا تھا، جس کے بعد ڈیزل 385 روپے اور پیٹرول 366 روپے فی لیٹر کی سطح پر آ گئے ہیں۔