دکانیں بند رکھنے سے متعلق نئے نوٹیفکیشن کی حقیقت سامنے آگئی

اسلام آباد کے ڈپٹی کمشنر نے وفاقی دارالحکومت میں دکانوں کے بند رکھنے کے اوقات سے متعلق سوشل میڈیا پر گردش کرنے والے نوٹیفکیشن کو جعلی قرار دیتے ہوئے شہریوں کو خبردار کیا ہے کہ وہ صرف مصدقہ معلومات پر اعتماد کریں۔

سماجی رابطے کی ویب سائٹ ایکس (سابقہ ٹوئٹر) پر جاری بیان میں ڈپٹی کمشنر اسلام آباد نے کہا کہ دکانوں کی بندش کے اوقات میں تبدیلی کے حوالے سے سوشل میڈیا پر جو نوٹیفکیشن زیرگردش ہے، وہ جعلی ہے۔ انہوں نے وضاحت دیتے ہوئے کہا کہ اسلام آباد کی انتظامیہ نے اس حوالے سے آج تک کوئی نوٹیفکیشن جاری نہیں کیا ہے۔

ڈپٹی کمشنر اسلام آباد نے شہریوں کو مشورہ دیا کہ وہ صرف سرکاری ذرائع سے معلومات حاصل کریں اور غیرمصدقہ معلومات کے تبادلے سے گریز کریں۔

A fake notification regarding revised shop closure timings is being circulated on social media, The Islamabad Administration has NOT issued any new notification today in this regard. Citizens are advised to rely only on official sources for authentic information and avoid sharing… pic.twitter.com/jHaEgk4MWB

— DC Islamabad (@dcislamabad) April 22, 2026

واضح رہے کہ سوشل میڈیا پر جو جعلی نوٹیفکیشن گردش کر رہا تھا، اس میں کہا گیا تھا کہ تمام دکانیں، مارکیٹیں اور شاپنگ مالز ہفتہ اور اتوار سمیت روزانہ رات 10 بجے بند ہوں گے، تاہم فارمیسی، میڈیکل اسٹورز، میڈیکل سپلائی اسٹورز اور اسپتال اس سے مستثنیٰ ہوں گے۔

یہ بھی پڑھیں: شٹر ڈاؤن ناکام، پی ٹی آئی کی ڈنڈا بردار فورس سڑکوں پر، زبردستی دکانیں بند کروانے کی کوششیں، ہنگو، پشاور، چارسدہ میں جھڑپیں