سونے کی قیمت میں زبردست کمی ، گولڈ مارکیٹ ہل گئی

عالمی اور مقامی مارکیٹوں میں بدھ کے روز سونے اور چاندی کی قیمتوں میں نمایاں کمی ریکارڈ کی گئی جس کے بعد پاکستان میں سونے کی قیمت مسلسل دوسرے روز بھی بڑی حد تک کم ہوگئی۔ 

بین الاقوامی بلین مارکیٹ میں سونے کی فی اونس قیمت 52 ڈالر کی نمایاں کمی کے بعد 3,972 ڈالر پر آ گئی جو اس سے قبل 4 ہزار ڈالر کی سطح سے اوپر ٹریڈ کر رہی تھی۔

عالمی مارکیٹ میں قیمتوں میں کمی کے بعد پاکستان کی مقامی صرافہ مارکیٹ میں بھی سونے کے نرخوں میں نمایاں کمی ریکارڈ کی گئی۔ آل پاکستان صرافہ جیولرز ایسوسی ایشن کے مطابق فی تولہ سونے کی قیمت 5 ہزار 200 روپے کم ہو کر 4 لاکھ 19 ہزار 636 روپے رہ گئی۔

یہ بھی پڑھیں:موٹر سائیکل اور گاڑی مالکان خبردار، آج سے بڑا کریک ڈاؤن شروع

اسی طرح 10 گرام سونے کی قیمت میں 4 ہزار 458 روپے کی کمی ہوئی جس کے بعد نئی قیمت 3 لاکھ 69 ہزار 770 روپے مقرر کی گئی۔

واضح رہے کہ سونے کی قیمتوں میں یہ مسلسل دوسرا بڑا اضافہ نہیں بلکہ دوسرا بڑا کمی کا رجحان ہے۔ گزشتہ روز (منگل) بھی فی تولہ سونے کی قیمت میں 4 ہزار 100 روپے کی کمی ریکارڈ کی گئی تھی جس کے بعد قیمت 4 لاکھ 24 ہزار 836 روپے تک آ گئی تھی۔ دو روز کے دوران مجموعی طور پر فی تولہ سونا 9 ہزار 300 روپے سستا ہو چکا ہے۔

دوسری جانب چاندی کی قیمت میں بھی کمی دیکھی گئی۔ مقامی مارکیٹ میں فی تولہ چاندی 107 روپے سستی ہو کر 6 ہزار 242 روپے کی سطح پر آ گئی۔