By موبائل کمپنی ایپل نے چین میںاپنے موبائل فونز کی قیمتیں کم کر دیں۔ ایسا اس نے حریف کمپنی’ ’ ہواوے ‘ ‘کو ٹکر دینے کیلئے کیا ہے ۔
تفصیلات کے مطابق آئی فون کی قیمت میں حیران کن کمی کا اعلان ایپل نے اس لئے کیا ہے کہ ’ ’ ہواوے ‘ ‘ مات دے سکے ۔ غیر ملکی خبر رساں ادارے کی رپورٹ میں بتایا گیا ہے کہ ایپل کمپنی نے چین میں اپنے آفیشل ’’ٹی مال سائٹ‘‘ میں مخصوص آئی فون ماڈلز پر 2300 یوان یعنی 318 ڈالر تک کی رعایت دینے کا اعلان کر دیا ہے ۔ امریکی کمپنی کی طرف سے چینی صارفین کے لیے عایت کی مہم 20 سے 28 مئی تک جاری رہے گی۔ صارفین موقع سے فائدہ اٹھا سکتے ہیں ۔ قبل ازیں رواں سال ماہ فروری میں بھی ایپل نے رعایتی طور پر آئی فونز پر زیادہ سے زیادہ ڈسکاؤنٹ 1150 یوان دیا تھا ۔
مزید پڑھیں:سولر سسٹم ، نیٹ میٹرنگ اور گراس میٹرنگ کیا ہے؟
اس کے برعکس اس بار کمپنی نے 2300یوان تک کی رعایت دینے کا اعلان کیا ہے ، ایپل نے یہ اقدام چینی موبائل کمپنی ’ ہواوے ‘ کے ساتھ جاری سخت مقابلے کے پیش نظر کیا۔ دیگر موبائل فونز ماڈلز کی قیمتوں میں بھی نمایاں کمی دیکھنے میں آرہی ہے۔ رپورٹ کے مطابق آئی فون 15 پرو میکس کے ون ٹی بی ماڈل پر سب سے زیادہ رعایت دی جا رہی ہے۔ اس کے علاوہ متعدد ماڈلز پر بھی خصوصی ڈسکاؤنٹ دیا جا رہا ہے۔اس کے علاوہ خریداروں کی ترغیب کے لیے آئی فون 15 کے 128 جی بی ویریئنٹ والے ماڈلز پر 1400یوان تک کا ڈسکاؤنٹ د ئیے جانے کی اطلاعات موصول ہوئی ہیں ۔
