اڈیالہ جیل میں بانی پی ٹی آئی اور بشریٰ بی بی کو روم کولر فراہم

شدید گرمی کے پیش نظر بانی پی ٹی آئی عمران خان سمیت دیگر قیدیوں کو اڈیالہ جیل میں روم کولر کی اضافی سہولیات مہیا کرد ی گئی ہیں ۔

تفصیلات کے مطابق اڈیالہ جیل کی انتظامیہ کا کہنا ہے کہ سابق وزیراعظم و بانی چیئرمین پاکستان تحریک انصاف اور بشریٰ بی بی کو ان کے بیرکوں میں روم کولر کی سہولت فراہم کرد ی ہے تاکہ وہ شدید گرمی کی تپش سے محفوظ رہ سکیں۔ علاوہ ازیں جیل ذرائع کا یہ بھی بتانا ہے کہ سائفر کیس میں قید سابق وزیر خارجہ شاہ محمود قریشی کو بھی روم کولر کی سہولت فراہم کر دی ہے ۔ اس کے علاوہ جیل میں جو دیگر قیدی موجودہیں ان کو بھی بیرکوں میں ٹھنڈ ے پانی کی سہولت مہیا کر دی گئی ہے۔

مزید پڑھیں:جیل میں بیٹھا شخص پاک فوج کیخلاف گھٹیا اور گمراہ کن پروپیگنڈا کر رہا ہے، شرجیل میمن

مختلف مقامات پر اضافی واٹر کولر نصب کرد ئیےگئے ہیں۔ تاکہ قیدیوں کو کسی قسم کی مشکلات کا سامنا نہ کرنا پڑے۔ انتظامیہ کا بتایا ہے کہ گرمی کے پیش نظر جیل میں قیدیوں کو مشروبات بھی فراہم کیا جارہا ہے جب کہ ہائی پروفائل دہشت گردوں کی بیرکوں میں بھی ٹھنڈا پانی موجود ہے۔ اس کے علاوہ قیدیوں کو شدید گرمی کے اثرات سے بچانے کے لیے دیگر انتظامات بھی مکمل کرلیے گئے ہیں۔