By پاکستان کے معروف اور سینئر اداکار بہروز سبزواری نے انکشاف کیا ہے کہ انہوں نے اور سابق وزیر اعظم و بانی پاکستان تحریک انصاف عمران خان نے متعدد بار ایک ساتھ بیٹھ کر شراب نوشی کی ۔
تفصیلات کے مطابق بہروز سبزواری نے حال ہی میں ایف ایچ ایم کے پوڈکاسٹ میں شر کت کی جہاں وہ اپنے کیریئر سمیت ذاتی زندگی اور عمران خان سے تعلقات پر کھل کر بول پڑے۔ بہروز سبزواری نے سیاست اور پاک فوج کی خدمات پر بات کرتے ہوئے کہنا تھا کہ فوج کی تعریفیں اس لیے کرنا پڑتی ہیں کہ پاک فوج کے نمبر سب سے اوپر ہیں کیونکہ فوج سیلاب سے لے کر طوفانوں تک قوم کی خدمت کرتی ہے۔ اداکار نے عمران خان کے حوالے سے بات کرتے ہوئے کہا کہ سچ کی ہمیشہ جیت ہوتی ہے اور جھوٹ ہار جاتا ہے ۔ ان کا یقین ہے کہ قیدی نمبر 804عمران خان کا جیل میں قیدی نمبر ضرور جیتے گا۔
انہوں نے یہ دعویٰ بھی کیا ہےکہ ان کا اور عمران خان کے درمیان 24 سال کا تعلق ہے، انہوں نے کہا کہ بانی پی ٹی آئی عمران خان سے بار ملاقاتیں بھی کیں۔ بہروز سبزواری کا کہنا تھا کہ سال 2007 اور 2008 میں جب الطاف حسین اور متحدہ قومی موومنٹ (ایم کیو ایم) نے کراچی میں عمران خان کے آنے پر پابندی لگارکھی تھی، تب عمران خان غصے میں آکر الطاف حسین کو ٹی وی چینل سمیت ہر جگہ گالیاں دیتے تھے۔ ا ن کا بتا نا تھا کہ انہوں نے کئی بار عمران خان کو سمجھایا کہ وہ الطاف حسین اور ایم کیو ایم کو گالیاں نہ دیا کریں، ہر کوئی جانتا ہے کہ وہ بدمعاش ہیں، لیکن آپ انہیں گالیاں نہ دیں لیکن عمران خان ان کی بات نہ مانتے تھے۔
بہروز سبزواری نے دعویٰ کیا کہ لوگ عمران خان کے حوالے سے جھوٹ بولتے ہیں، وہ انہیں بدنام کرنا چاہتے ہیں۔ ان کے مطابق لوگ الزام لگاتے ہیں کہ عمران خان کوکین کا نشہ کرتے ہیں، یہ سب جھوٹ بولتے ہیں۔ انہوں نے اعتراف کیا کہ انہوں نے کئی بار ایک ساتھ بیٹھ کر عمران خان کے ساتھ شراب پی لیکن عمران خان ایک ڈرنک سے زیادہ کبھی شراب نہیں پیتے تھے۔ بہروز سبزواری کی ویڈیو وائرل ہونے کے بعد عمران خان کے نشہ کرنے پر نئی بحث چھڑ گئی اور لوگوں نے اداکار کی ویڈیو پر مختلف قسم کے کمنٹس بھی کیے ۔
