پیٹرولیم مصنوعات کی قیمتوں میں کمی کا امکان

مہنگائی سے پریشان پاکستانیوں کو پیٹرولیم مصنوعات کی قیمتوں میں مزید ریلیف ملنے کا امکان ہے۔

تفصیلات کے مطابق عالمی منڈی میں تیل قیمتوں میں کمی کے بعد پاکستان میں پیٹرولیم مصنوعات کی قیمتوں میں مزید 12روپے تک کمی کا امکان ہے۔ عالمی منڈی میں پیٹرول کی قیمت میں 5 ڈالر 14 سینٹ کی کمی ہوئی۔ عالمی مندی میں پیٹرول کی قیمت 89 ڈالر فی بیرل کی سطح پر آگئی ہے۔

خیال رہے کہ 31 مئی کو وزیراعظم کی جانب سے پیٹرولیم مصنوعات کی قیمتوں میں 15 روپے کی کمی کے اعلان کے بعد وزارت خزانہ کی جانب سے پیٹرول 4 روپے 74 پیسے سستا ہوا تھا جبکہ پٹرولیم ڈویژن نے پٹرولیم مصنوعات کی نئی قیمتوں کا نوٹیفکیشن جاری بھی کیاتھا۔

مزید پڑھیں: بجلی کی فی یونٹ قیمت میں مزید اضافہ

دوسری جانب عالمی منڈی میں خام تیل کی قیمتوں میں 4 فیصد کمی، برینٹ کروڈ 78 ڈالر فی بیرل پر آگیا۔ عالمی آئل مارکیٹ میں قیمتوں میں نمایاں کمی دیکھی گئی کیونکہ ٹریڈنگ کے دوران برینٹ خام تیل کی قیمت 4 فیصد کم ہوکر 78 ڈالر فی بیرل ہوگئی۔ دریں اثنا ویسٹ ٹیکساس انٹرمیڈیٹ (ڈبلیو ٹی آئی) خام تیل کے نرخ بھی گر کر 74 ڈالر فی بیرل رہ گئے۔ تیل کی قیمتوں میں کمی نے توانائی کی عالمی مارکیٹ میں ہلچل مچا دی ہے اور تیل پیدا کرنے والے بہت سے ممالک کو اس کی شدید مشکلات کا سامنا کرنا پڑ رہا ہے۔ توقع ہے کہ اس کمی کا عالمی معیشت پر اثر پڑے گا، جس کے افراط زر، تجارت اور معاشی نمو پر ممکنہ اثرات مرتب ہوں گے۔