ذی الحج کےچاند کی پیدائش ہوگئی، پاکستان سمیت بیشتر ممالک میں 17جون کو عید الاضحٰی منائی جانے کا امکان ہے۔ پاکستان میں حتمی اعلان رویت ہلال کمیٹی کرے گی۔
ماہ ذیقعدہ کا اختتام قریب آتے ہی مسلمانوں نے عید الاضحی کی تیاریوں کو آغاز کردیا ہے۔ سعودی عرب میں حج بیت اللہ کی تیاریاں بھی جاری ہیں۔ پاکستان سمیت دنیا بھر میں مقیم کروڑوں مسلما ن یہ جاننے کیلئے بھی بے تاب ہیں کہ عید الاضحی کس تاریخ کو ہوگی۔ پاکستان میں عیدالاضحی کی ممکنہ تاریخ پہلے ہی بتا دی گئی ہے۔
مزید پڑھیں: سعودی عرب میں ذی الحج کا چاند نظر آگیا
بتایا گیا ہے کہ ذی الحج کے چاند کی پیدائش 6 جون کی شام کو پاکستان کے مقامی وقت کے مطابق 5 بج کر 38 منٹ پر ہوئی۔یوں 7 جون بروز جمعہ کو غروب آفتاب کے وقت چاند کی عمر 25 گھنٹے ہونے کے باعث چاند باآسانی نظر آئے گا میڈیا رپورٹس کے مطابق رویت ہلال ریسرچ کونس نے پاکستان میں عیدالاضحٰی 17 جون کو ہونے کا امکان ظاہر کیا ہے۔
دوسری جانب پاکستان میں ذی الحج کا چاند دیکھنے کے لیے رویت ہلال کمیٹی کا اجلاس 7 جون کو طلب کر لیا گیا۔ مرکزی رویت ہلال کمیٹی کا اجلاس 7 جون بروز جمعہ کو محکمہ موسمیات کراچی دفتر میں ہو گا، اجلاس کی صدارت چیئرمین رویت ہلال کمیٹی مولانا عبدالخبیر آزاد کریں گے۔ اجلاس میں سپارکو، مذہبی امور، محکمہ موسمیات سمیت دیگر نمائندگان شریک ہوں گے۔ اجلاس میں عید الاضحٰی کی حتمی تاریخ کا فیصلہ مرکزی رویت ہلال کمیٹی کرے گی۔