By قومی اسمبلی میں اپوزیشن لیڈر عمر ایوب خان کا کہنا ہے کہ ملک کی ترقی کیلئے ہر ادار ے کو اپنے دائرہ کار میں ر ہنا چاہیے ۔
تفصیلات کے مطابق قومی اسمبلی کے اجلاس میں خطاب کے دوران عمر ایوب کا کہنا تھا کہ وہ سرگودھا کی عدالت میں پیشی کے لیےجا رہے تھے جہاں پنجاب پولیس کے افسر نےانہیں عدالت نہیں جانے دیا اور ان کا راستہ بھی روکا گیا ۔ انہوں نے پولیس افسر سے دوران بات چیت کہا کہ ان کی کورٹ میں پیشی ہے لہذا نہیں جانے دیا جائے ۔ اُس نے کچھ دیر انتظار کرنے کا کہا لیکن میری عدالت میں حاضری پر دیر ہو گئی ۔ عمر ایوب کا مزید کہنا تھا کہ جب ہم عدالت پہنچے تو دروازے بند تھے ۔
ان کا الزام عائد کرتے ہوئے کہنا تھا کہ وہاں ہمیں بتایا گیا کہ جج کو کسی نے یرغمال بنایا ہوا ہے ۔ پی ٹی آئی ارکان کے گھروں پر چھاپے مارے گئے، ہم عدالت کے سامنے کھڑے تھے مگر عدم پیروی پر ہماری ضمانتیں خارج کر دی گئیں۔ اپوزیشن لیڈر نے کہا کہ میں یہ بتا دوں کہ یہ آج ہمارے ساتھ جو ہو رہا ہے کل باقی ارکان کیساتھ ہوگا، وقت کا پہیہ گھو منے میں زیادہ دیر نہیں لگتی ، جو بوؤ گے کل وہی کاٹو گے ۔ عمر ایوب کا مزید کہنا تھا ساہیوال، لاہورمیں ہمارے کارکنان کے خلاف جعلی پرچے درج کئے گئے ۔
امجد خان نیازی کی گزشتہ رو ز بریت ہوئی اور دوسرے کیس میں انہیں پھرگرفتار کر لیا گیا ، ہمارے سب کارکنوں کو جھوٹے اور جعلی مقدمات میں ملوث کر کے پھنسوایا جا رہا ہے ۔ انہوں نے کہا کہ وفاقی وزیر داخلہ محسن نقوی کدھر ہیں؟ ۔ محسن نقوی نیویارک میں کرکٹ کے مزے لوٹ رہا ہے، بانی پی ٹی آئی عمران خان کو 7 فٹ کے ڈیتھ سیل میں رکھا گیا ہے، ان کا خطاب کے آخر میں کہنا تھا کہ بانی پی ٹی آئی عمران خان، بشریٰ بی بی سمیت تمام سیاسی قیدیوں کو سہولیات فراہم کی جائیں۔
