By 9 مئی کیسز، انسداد دہشتگردی عدالت نے پی ٹی آئی رہنمائوں سمیت 115 ورکرز پر فردِ جرم عائد کردی۔
انسداد دہشتگردی عدالت نے 9 مئی کو توڑ پھوڑ اور سرکاری املاک کو نقصان پہنچانے کے کیس میں سابق وزراء تیمور جھگڑا اور کامران بنگش پر فرد جرم عائد کردی۔ اے ٹی سی نے ایم این اے شیر علی ارباب اور آصف خان سمیت 115 ورکرز پر بھی فرد جرم عائد کی۔ تاہم سابق وزراء اور ممبران اسمبلی سمیت تمام ملزمان نے صحت جرم سے انکار کیا۔
مزید پڑھیں: 9مئی کا اصل ملزم آج کا وزیراعلیٰ خیبر پختونخوا
پراسیکیوشن نے عدالت میں موقف اپنایا کہ ملزمان نے احتجاج کے دوران توڑ پھوڑ کی تھی۔پراسیکیوشن کے مطابق ملزمان نے نجی اور سرکاری املاک کو نقصان بھی پہنچایا تھا جبکہ ملزمان کے خلاف تھانہ خان رازق شہید میں مقدمہ درج کیا گیا تھا۔
عدالت نے آئندہ سماعت پر استغاثہ گواہان کو طلب کرتے ہوئے سماعت 26 جون تک ملتوی کردی۔
