بجٹ سے پاکستان میں مہنگائی کی نئی لہر آئیگی، شیر افضل مروت

میری دلیری ختم ہوگئی ہے، پی ٹی آئی رہنما شیر افضل مروت کی لندن میں میڈیا سے گفتگو۔

تفصیلات کے مطابق پاکستان تحریک انصاف کے رہنما اور رکن قومی اسمبلی شیر افضل مروت سے لندن میں پریس کانفرنس کے دوران عمران خان کی رہائی سے متعلق سوال ہوا تو ان کا کہنا تھا کہ بڑی مشکل سے خود کو خاموش رکھا ہوا ہے، ایسے سوال نہ کریں، آپ ملکو پر بات کریں۔ تاہم صحافیوں کے اصرار پر انہوں نے جواب دیا کہ میری دلیری ختم ہوگئی ہے۔

اپنی پریس کانفرنس میں شیر افضل مروت کا کہنا تھا کہ بجٹ سے پاکستان میں مہنگائی کی نئی لہر آئیگی، بجٹ میں کھانے پینے کی اشیاپر ٹیکس لگا دیا گیا ہے۔ بجٹ اصل میں آئی ایم ایف نے بنایا ہے اور آئی ایم ایف نے بے نظیر انکم سپورٹ پروگرام بھی صوبوں کو دینے کی ہدایت کی ہے۔شیر افضل مروت کا گلوکار ملکو کو بیرون ملک سفر کرنے سے روکنے پر پی ٹی آئی رہنما نے کہا کہ فنکاروں کا نام ای سی ایل پر ڈالنا افسوسناک ہے۔ ملکو کو برطانیہ میں پرفارم کرنے سے روک کر حکومت نے نیچ حرکت کی ہے۔ انہوں نے کہا کہ ایسے بھی فنکار ہیں جنہو ںنے دیگر سیاسی پارٹیوں کیلئے نغمے یا ترانے گائے ہیں اور اس میں کچھ بھی غلط نہیں ہے۔ ملکو کو سفر سے روکنا شرمناک عمل ہے۔

شیر افضل مروت نے مزید کہا کہ بیرون ملک بیٹھ کر سیاستدانوں کی کردارکشی کرنیوالے بھگوڑے لوگوں سے پیسے لے کر ایسی حرکتیں کرتے ہیں۔