By قومی وائٹ بال ٹیم کے کپتان بابر اعظم نے فیصلہ کیا ہے کہ وہ الزامات لگانے والے یوٹیوبرز اور سابق کھلاڑیوں کیخلاف ہتک عزت کا کیس دائر کریں گے۔
تفصیلات کے مطابق انٹر نیشنل کرکٹ کونسل (آئی سی سی) مینز ٹی ٹوئنٹی ورلڈکپ میں ناقص کار کردگی دکھانے اور سپر ایٹ میں رسائی نہ حاصل کرنے پر قومی کرکٹ ٹیم اور خاص طور پر کپتان بابر اعظم شدید تنقید کی زد میں ہیں ۔
ذرائع نے کہا ہے کہ ٹی 20ورلڈ کپ کے دوران بابر اعظم کے خلاف سوشل میڈیا پر مہم چلائی گئی۔ قریبی ذرائع نے دعویٰ کیا ہے کہ بابر اعظم سابق کھلاڑیوں کی جانب سے لگائے گئے الزامات سے مایوسی کا شکار ہیں ۔ ذرائع کا کہنا ہے کہ بابراعظم نے یوٹیوبرز اور سابق کھلاڑیوں کو لیگل نوٹس بھجوانے کا امکان ظاہر کیا ہے ۔
مزید پڑھیں:ثانیہ مرزا اور محمد شامی کی شادی کی افواہوں پر والد کا سخت ردعمل
بابر نے اس حوالے سے لیگل ٹیم سے مشاورت شروع کر دی ہے۔ذرائع کے مطابق پاکستان کرکٹ بورڈ (پی سی بی )کا لیگل ڈیپارٹمنٹ بھی یوٹیوبرز اور سابق کھلاڑیوں کے بیانات کا ڈیٹا اکٹھا کر رہا ہے۔ذرائع کا بتا ناہے کہ بابراعظم کی طرف سے اینکرپرسن سے معافی کا مطالبہ کیا جائے گا، معافی نہ مانگنے کی صورت میں انہیں عدالت عدالت کے دھکے کھانا پڑیں گے ۔
