By پنجاب میں ہزاروں ملازمین کو مستقل کرنے کا فیصلہ، وزیراعلیٰ مریم نواز نے 14ہزار اے ای اوز اور ایس ایس ای کی ریگولرائزیشن کا پلان طلب کر لیا گیا۔
تفصیلات کے مطابق وزیراعلیٰ مریم نواز شریف نے پنجاب سکول دی آرگنائزیشن پروگرام کی منظوری دیدی۔ سرکاری تعلیمی اداروں کے ایک ہزار گرائونڈز کی 6ماہ میں تعمیر و بحالی کا ہدف مقرر کیا گیا ۔ اس کے علاوہ سرکاری سکولوں میں ہفتہ وار اور ماہانہ مقابلے شروع کرنے کا حکم دیا گیا ہے۔ راجن پور، لیہ ،بھکر میں وزیراعلیٰ پنجاب سکول نیوٹریشن پروگرام پائلٹ پراجیکٹ کا اگست سے آغاز ہوگا۔ اس کے علاوہ وزیراعلیٰ مریم نواز نے 14ہزار اے ای اوز اور ایس ایس ای کی ریگولرائزیشن کا پلان طلب کر لیا گیا۔اس حوالے سے پنجاب بھر میں سہولیات اور ضروریات کا تعین کرنے کیلئے سکولوں کی جامع میپنگ کرنے کی ہدایات کر دی گئی ہے۔ گرین سکول پروگرام کے اجرا کا فیصلہ بھی کر لیا گیا ہے۔ وزیراعلیٰ مریم نوازشریف نے منظوری دیدی ۔ جس کے تحت طالبعلم کم از کم ایک پودا لگائے گا اور ڈیجیٹل میپنگ کی جائیگی۔ سرکاری سکولوں میں سپوکن انگلش اور کریکٹر بلڈنگ کلاسز شروع کرنے کی تجاویز بھی جائزہ بھی لیا گیا۔
وزیراعلی مریم نوازشریف نے پنجاب بھر میں 603نان فنکشنل سکولوں کی بحالی کی ہدایت بھی کردی۔ اساتذہ کے لئے ای ٹرانسفر آسان اور قابل عمل بنانے کا جائزہ لیا گیا۔ اس کے علاوہ میٹرک کی سطح پر ٹیکنالوجی کے 12کورسز متعارف کرانے کا جائزہ لیا گیا۔ سکول مینجمنٹ کونسلز کو فعال اور موثر بنانے پر اتفاق کیا گیا۔ مریم نواز شریف نے اپنے بیان میں کہا کہ سزا اورجزا کے عمل کے بغیر سسٹم میں بہتری نہیں لائی جاسکتی۔ایجوکیشن کے لئے فنڈز کی کمی نہیں آنے دی جائے گی۔ ہر ڈسٹرکٹ میں ارلی چائلڈ ہڈ ایجوکیشن سنٹر آف ایکسی لینس قائم کیاجائے گا۔
