By پاکستان پیپلز پارٹی (پی پی پی ) کی سینئر رہنما شہلا رضا نے کہا ہے پاکستان تحریک انصاف کی خواہش ہے کہ ملک میں مارشل لاء لگ جائے ۔
تفصیلات کے مطابق لاہور میں میڈیا سے گفتگو کرتے ہوئے شہلا رضا نے کہا کہ ذوالفقارعلی بھٹو کی حکومت میں بھی ا نتخابات کے بعد مارشل لاء لگ گیا تھا، پی ٹی آئی کی بھی خواہش ہے مارشل لاء لگ جائے لیکن تحریک انصاف کی ملک میں مارشل لاء لگنے کی خواہش پوری نہیں ہو گی ۔ مداخلت اور سازش میں بڑا فرق ہے، امریکی قرار داد کھلی مداخلت ہے۔
اب پی ٹی آئی کو آزادی امریکا کے کہنے پر ملے گی یا کوئی اور دلائے گا؟ ۔ شہلا رضا نے میڈیا کے ایک سوال کا جواب دیتے ہوئے کہا کہ انتخابی نتائج کچھ بھی ہوں پاکستان پیپلزپارٹی لاہور میں موجود ہے۔میڈیا سے بات چیت کے دوران ان کا کہنا تھا کہ ہمارے حکومت کے ساتھ اب بھی کچھ تحفظات ہیں، بجٹ کے علاوہ بھی ہمارے تحفظات ن لیگ سے ہیں، مسلم لیگ ن نے کئی معاملات پر اپنی غلطی کو تسلیم بھی کیا ہے۔
پی پی رہنما نے کہا کہ تنخواہ دار طبقے پر ٹیکسز سے متعلق تحفظات ہیں، ہم چاہتے ہیں انڈسٹری اور دکانوں پر بھی ٹیکس لگنا چاہیے ، مختلف شعبوں سے وابستہ کئی لوگوں کو ٹیکس نیٹ میں نہیں لایا گیا۔ شہلا رضا کا کہنا تھا کہ جاوید لطیف کوان کی پارٹی ہی تسلیم نہیں کر رہی ،ہارنے کے بعد ان کی باتیں سمجھ سے باہر ہیں ۔ ان کا مزید کہنا تھا کہ پیپلز پارٹی کی حکومت آتی تو ہم 300 یونٹ تک عوام کو فری بجلی دیتے۔
یہ بھی پڑھیں :مولانا فضل الرحمان کا ایک بار پھر ملک میں نئے انتخابات کرانے کا مطالبہ
پاکستان پیپلز پارٹی ہمیشہ عوام کی خدمت پر یقین رکھتی ہے ، عوام اور پی پی کا چولی دامن کا ساتھ ہے ۔ عوام کی خدمت کے لیے ہم ہمیشہ حاضر ہوتے ہیں ۔ جب بھی کنٹریکٹ ملازمین کو نکالنے کی کوشش کی گئی ہم نے ان کا بھر پور ساتھ دیا اور ان کی نوکریاں بچائیں ۔
