محکمہ موسمیات نے پورا ہفتہ مون سون بارشوں کی پیشنگوئی کر دی

محکمہ موسمیات نے 08 اور 09 جولائی کو سندھ اور بلوچستان کے مشرقی علاقوں میں جبکہ 10 سے 15 جولائی کے دوران ملک کے بالائی اور وسطی علاقوں میں مون سون بارشوں کی پیشگوئی کردی۔

محکمہ موسمیات کے مطابق 10 جولائی سے بحیرہ عرب سے مزید مون سون ہوائیں ملک کےبالائی علاقوں میں داخل ہوں گی۔ 10 سے16 جولائی کے دوران کشمیر (وادی نیلم، مظفر آباد، راولاکوٹ، پونچھ، ہٹیاں، باغ، حویلی، سدھنوتی، کوٹلی،بھمبر،میر پور) میں تیز ہواؤں اورگرج چمک کے ساتھ وقفےوقفے سے بارش کا امکان ہے۔ اس دوران چند مقامات پر موسلادھار بارش کی بھی توقع کی جا رہی ہے۔

10شام/رات سے15 جولائی کے دوران اسلام آباد/راولپنڈی، مری، گلیات، اٹک، چکوال، تلہ گنگ، جہلم، منڈی بہاؤالدین، گجرات، گوجرانوالہ، حافظ آباد، وزیر آباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد ، اوکاڑہ،پاکپتن، قصور، خوشاب، سرگودھا، بھکر اور میانوالی میں تیز ہواؤں اورگرج چمک کے ساتھ وقفےوقفے سے بارش اس دوران چند مقا مات پر موسلادھار بارش کی بھی توقع ہے۔12سے14جولائی کے دوران بہاولپور، بہاولنگر، ڈیرہ غازی خان، ملتان، خانیوال، لودھراں، مظفر گڑھ، راجن پور، رحیم یار خان اور لیہ میں تیز ہواؤں اورگرج چمک کے ساتھ بارش کی توقع ہے۔

11 سے15 جولائی کے دوران دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، باجوڑ، مہمند، خیبر، مانسہرہ، ایبٹ آباد، ہری پور، پشاور، مردان، چارسدہ، ہنگو، کرم، وزیرستان، بنوں اور ڈیرہ اسماعیل خان میں تیز ہواؤں اور گرج چمک کےساتھ وقفے وقفے سے بارش کا امکان ہے۔ اس دوران چند مقا مات پر موسلادھار بارش کی بھی توقع ہے۔08 اور 09 جولائی کو اور12سے14جولائی کے دوران صوبے کے بیشتر اضلاع میں موسم گرم اور مرطوب رہنے کی توقع ہے ۔ تاہم بلوچستان کے مشرقی علاقوں (خضدار، قلات،زیارت، ژوب، بارکھان،موسیٰ خیل اور شیرانی) میں آندھی/گرج چمک کے ساتھ بارش کا امکان ہے ۔

08 اور 09 جولائی کےروز صوبے کے بیشتر اضلاع میں موسم گرم اور انتہائی مرطوب رہنے کی توقع ہے ۔ جبکہ جیکب آباد، سکھر، شکارپور، قمبر شہدادکوٹ، لاڑکانہ، دادو، پڈعیدن، عمرکوٹ، تھرپارکر، میرپورخاص، بدین، سجاول، ٹھٹھہ اور کراچی میں آندھی/گرج چمک کے ساتھ وقفے وقفے سے بارش کا امکان ہے۔ جبکہ12 اور 13 جولائی کوسکھر، لاڑکانہ اور جیکب آباد میں بھی آندھی/گرج چمک کے ساتھ بارش کا امکان ہے۔11 سے15 جولائی کےدوران گلگت بلتستان (دیامیر، استور، اسکردو، گلگت، گھانچے اورشگر) میں مطلع جزوی سے ابر آلود رہنے کے علاوہ وقفے وقفے سے بارش کی بھی توقع ہے۔