By مسلم لیگ (ن) کے صدر نواز شریف نےحکومت کو عوام کو مزید ریلیف دینے کی ہدایات دیدیں۔
تفصیلات کے مطابق مسلم لیگ (ن) کے صدر نواز شریف کی ڈپٹی وزیراعظم اسحاق ڈار سے ملاقات ہوئی۔ ملاقات میں دونوں رہنمائوں نے ملکی سیاسی صورتحال پر تبادلہ خیال کیا۔ ملاقات میں حکومتی فلاحی اقدامات پر بھی بات چیت ہوئی۔ نواز شریف نے اس موقع پر اسحاق ڈار کو کہا کہ متوسط طبقے کو بجلی کے بلوں میں ریلیف دیا جائے، انہوں نے اسحاق ڈار کو ہدایت کی کہ مہنگائی پر قابو پا کر عوام کو ریلیف دیا جائے۔
مزید پڑھیں: عوام کو 200 یونٹ تک مفت بجلی دینا ممکن نہیں، وفاقی وزیر توانائی
جبکہ ملاقات میں وزیر خارجہ اسحاق ڈار نے نواز شریف کو اپنے حالیہ غیر ملکی دوروں میں ہونے والی پیشرفت پر بریفنگ بھی دی۔صدر مسلم لیگ (ن) نے دوست ممالک کے ساتھ تعلقات میں حالیہ پیشرفت پر اطمینان کا اظہار کیا۔
