چنگان کاایک اور نیاشاہکار ، گاڑی کے فیچرز اور قیمت بھی سامنے آگئی

ماسٹر چنگان پاکستان میں چنگان اوشان ایکس 7 فیوچر سینس کا اپ ڈیٹ ورژن لانچ کرنے کے لئے تیار ہے، جسے بڑی فیملی کی ضروریات کو پورا کرنے کے لئے 7 نشستوں کے آپشن کے طور پر ڈیزائن کیا گیا ہے ۔

نئے ماڈل میں معمولی ڈیزائن اپ ڈیٹس کی جائیں گی ، جن میں تازہ ترین فرنٹ ریڈیایٹر گرل اور نئے پائیدار پہیے شامل ہیں۔ گاڑی کے انٹیریئر کو جدید ٹو اسپوک اسٹیئرنگ وہیل سے بھی اپ گریڈ کیا جائے گا۔ موجودہ 5 نشستوں والے اوشان ایکس 7 فیوچر سینس کی قیمت 8,949,000 روپے ہے جبکہ 7 نشستوں والے نئے ورژن کی قیمت 9,099,000 روپے متوقع ہے جو 150,000 روپے کا اضافہ ہے۔

اس سے قبل چنگان پاکستان نے اپنی مشہور السوین سیڈان کا بلیک ایڈیشن متعارف کرا یا ہے۔ دسمبر 2020 میں لانچ ہونے والی السوین نے اپنی متاثر کن خصوصیات اور پرکشش ڈیزائن کی وجہ سے مقبولیت حاصل کی تھی۔ تاہم اب اس کا نیا بلیک ایڈیشن اسے مزید بہت ہی اسٹائلش اپ گریڈیشن کے ساتھ اگلی سطح پر لے جاتا ہے، جس میں سیاہ سائیڈ آئینے ، سیاہ پہیے، سیاہ چمڑے کی اپسولسٹری، سیاہ چھت، سیاہ دروازے کے ہینڈل اور مکمل سیاہ انٹیریئر شامل ہیں۔

یہ بھی پڑھیں: سستی اور عوام میں مقبول یونائیٹڈ بائیکس کی نئی قیمتیں سامنے آگئیں

بلیک ایڈیشن کی قیمت 4,574,000 روپے مقرر کی گئی ہے، جو معیاری لومئیر ورژن کے مقابلے میں 25،000 روپے اضافی ہے جس کی قیمت 4,549,000 روپے ہے۔ اس ویرینٹ کی بکنگ کے لیے ابتدائی طور پر 1,000,000 روپے ادا کرنے پڑتے ہیں۔ مینوفیکچرر ماسٹر موٹر نے پاکستان میں اپنی لائن اپ کو وسعت دیتے ہوئے اوشان ایکس 7 کراس اوور ایس یو وی اور کاروان ایم پی وی جیسے ماڈل متعارف کرائے ہیں۔ چانگان السوین بلیک ایڈیشن آٹوموٹو مارکیٹ میں اپنی موجودگی کو مزید فروغ دینے کے لئے تیار ہے۔

اپنے خوبصورت ڈیزائن اور پریمیم فیچرز کی وجہ سے یہ سیڈان پاکستان میں گاڑیوں کے شوقین افراد میں مقبولیت حاصل کرے گی۔ نئے ورژن کا ہموار، مکمل سیاہ انٹیریئر اس کی اسٹائلش اپیل کو بڑھاتا ہے۔ گزشتہ برسوں کے دوران ماسٹر موٹر نے کراس اوور ایس یو وی اوشان ایکس 7 اور ایم پی وی کاروان جیسے ماڈلز کے ساتھ پاکستان کی آٹوموٹو انڈسٹری میں ایک اہم کھلاڑی بن کر اپنی لائن اپ کو وسعت دی ہے۔