By صوبے بھر میں تیز ہواؤں اور گرج چمک کے ساتھ موسلا دھار بارش کا امکان ہے۔
پی ڈی ایم اے نے پیش گوئی کی ہے کہ مون سون بارشوں کا یہ سلسلہ 15 جولائی تک جاری رہے گا۔ لاہور، سیالکوٹ، نارووال، گوجرانوالہ، فیصل آباد اور راولپنڈی میں اربن فلڈنگ کا امکان ہے۔ پی ڈی ایم اے نے ان شہروں میں سیلاب کے شدید خطرے سے خبردار کیا ہے۔ تاہم سندھ، چناب، راوی، جہلم اور ستلج سمیت پنجاب کے دریاؤں میں پانی کا بہاؤ اس وقت معمول کے مطابق ہے۔
یہ بھی پڑھیں: چنگان کاایک اور نیاشاہکار ، گاڑی کے فیچرز اور قیمت بھی سامنے آگئی
ڈی جی پی ڈی ایم اے عرفان علی کٹیا نے متعلقہ حکام کو الرٹ رہنے اور ضروری احتیاطی تدابیر اختیار کرنے کی ہدایت کی ہے۔ بڑے شہروں کی انتظامیہ اپنی تیاریاں پیشگی مکمل کرے۔ شہریوں کو مشورہ دیا گیا ہے کہ وہ غیر ضروری سفر سے گریز کریں اور بجلی کی تاروں اور کھمبوں سے محفوظ فاصلہ رکھیں۔
ہنگامی صورتحال کی صورت میں پی ڈی ایم اے کی ہیلپ لائن 1129 پر رابطہ کریں۔ پی ڈی ایم اے کنٹرول روم 24 گھنٹے صورتحال پر نظر رکھے ہوئے ہے۔
