By بجٹ کے بعد ملک میں آٹو انڈسٹری پر بھی گہرااثر پڑا ہے۔ جہاں ٹیکسز کی بھرمار کی وجہ سے گاڑیوں کی قیمتوں میں اضافہ ہورہا ہے وہیں موٹرسائیکلوں کی قیمتوں میں بھی اضافہ دیکھنے میں آرہا ہے۔
ہنڈا نے اپنی مقبول 100سی سی موٹرسائیکل ہنڈا پرائیڈر کی قیمت کا اعلان کر دیا ہے۔ ہنڈا پرائیڈر ایک 100سی سی انجن کی حامل موٹرسائیکل ہے جو 45 سے 55 کلومیٹر فی لیٹر کی بہترین مائیلج دیتی ہے۔ یہی وجہ ہے کہ یہ بائیک لوگوں میں کافی پسند کی جاتی ہے۔ یہ موٹرسائیکل سیاہ، نیلے اور سرخ تین رنگوں میں آتی ہے۔
مزید پڑھیں: بہترین استعمال شدہ کاریں جو آپ پاکستان میں 20 لاکھ سے کم میں خرید سکتے ہیں
اس بائیک کے فیول ٹینک کی بات کی جائے تو اس میں 9.7لیٹر پیٹرول کی گنجائش ہوتی ہے۔ رپورٹ کے مطابق ہنڈا کمپنی کی طرف سے گزشتہ سال کے دوران ایک سے زائد بار اپنی موٹرسائیکلوں کی قیمتوں میں اضافہ کیا گیا ہے۔ جس کے نتیجے میں ہنڈا پرائیڈر کی قیمت بھی بڑھی تھی۔ اب سال 2024میں ہنڈا پرائیڈر کی قیمت 2لاکھ 8ہزار روپے تک پہنچ چکی ہے۔
