جو بائیڈن اپنی ڈیموکریٹ پارٹی پر کنٹرول کھوچکے

امریکاکے موجودہ صدرجو بائیڈن اپنی ڈیموکریٹ پارٹی پر کنٹرول کھو چکے ہیں۔

تفصیلات کے مطابق امریکی میڈیا نے اپنی رپورٹ میں دعویٰ کرتے ہوئے کہا ہے کہ صدر جو بائیڈن اور ان کی ڈیموکریٹ پارٹی کے درمیان ٹکراؤ اس ویک اینڈ پر شدت اختیار کرے گا اور اگلے ہفتے اپنے انجام کو پہنچ جائے گا ۔

یاد رہے کہ پاکستان کے نجی ٹی وی چینل نے ایک دن قبل خبر دی تھی کہ بائیڈن دوبارہ صدارتی انتخاب سے دستبرداری کا فیصلہ ممکنہ طورپر بدھ تک کرلیں گے۔ امریکی میڈیا کی رپورٹ میں کہا گیا ہے کہ جمعہ کو 12 ڈیموکریٹ اراکین کانگریس نے جو بائیڈن سے مطالبہ کیا ہے کہ وہ دوبارہ انتخاب لڑنے کی ضد کرناچھوڑ دیں۔

یہ بھی پڑھیں:صدر بائیڈن کسی بھی وقت انتخابی دوڑ سے علیحدہ ہوسکتے ہیں: امریکی میڈیا

ان ارکان میں ایوان نما ئندگان کے 10 اراکین اور 2 سینیٹرز شامل ہیں۔ امریکی میڈیا کے مطابق جو بائیڈن کے خلاف آواز بلند کر نے والے ڈیموکریٹ اراکین کانگریس اب بڑھ کر 35 تک جا پہنچے ہیں جبکہ جو بائیڈن دستبردار نہ ہونے اور انتخابی مہم دوبارہ شروع کرنے کے لیے بضد ہیں۔