By جرمن شہر فرینکفرٹ میں افغان شہریوں کے ایک گروپ نے پاکستانی قونصل خانے پر حملہ کیا اور پاکستانی پرچم اتارنے کا افسوسناک بھی سامنے آیا۔
پاکستانی سفارتی حکام نے جرمن وزارت خارجہ سے احتجاج کرتے ہوئے واقعے کی تحقیقات کا مطالبہ کیا ہے۔ میڈیا رپورٹس کے مطابق افغان شہریوں نے احتجاج کے دوران فرینکفرٹ میں پاکستانی قونصل خانے پر دھاوا بول دیا، پتھراؤ کیا اور پاکستانی پرچم اتارا اور جلانے کی کوشش کی، واقعے کی ویڈیوز سوشل میڈیا پر وائرل ہورہی ہیں۔
۔ پاکستانی حکام کا کہنا تھا کہ غیر ملکی سفارتی مشنز کی سیکیورٹی کی ذمہ دار جرمن حکومت ہے اور بین الاقوامی برادری کو بھی سفارتی مشنز کی سیکیورٹی پر تشویش ہے۔ فرینکفرٹ میں جرمن حکام نے پاکستانی سفارتی حکام کو اس معاملے کی مکمل تحقیقات کی یقین دہانی کرائی ہے۔
غیر ملکی میڈیا کے مطابق جرمن حکام نے واقعے کی ویڈیوز سوشل میڈیا پر وائرل ہونے کے بعد متعدد افراد کو گرفتار کیا ہے اور ان سے تفتیش کی جارہی ہے۔
