By امریکی صدارتی الیکشن میں موجودہ صدر جو بائیڈن کی دستبرداری کے بعد نائب صدر کملا ہیرس کی ڈیموکریٹس کا صدارتی امیدوار بننے کی راہ ہموار ہوگئی۔
تفصیلات کے مطابق امریکی صدر جو بائیڈن نے اپنی جگہ کملا ہیرس کی بطور صدارتی امیدواربننے کے لیے حمایت کردی۔ خبر ایجنسی کے مطابق کملا ہیرس ڈیمو کریٹس کی صدارتی امیدوار بنیں تو امریکا کی تاریخ میں پہلی بار سیاہ فام خاتون صدارتی امیدوار ہوں گی۔ دوسری جانب خبر ایجنسی کا یہ بھی کہنا ہے کہ صدر بائیڈن نے ابھی اپنے متبادل کے طور پر کسی کا نام نہیں لیا۔
یہ بھی پڑھیں:امریکی صدر جو بائیڈن صدارتی انتخابات کی دوڑ سے دستبردار
یاد رہے کہ امریکی صدر جو بائیڈن نے آئندہ انتخابات کےلیے صدارتی دوڑ سے دستبردار ہونے کا اعلان کردیا۔ سوشل میڈیا پر اپنے بیان میں امریکی صدر کا کہنا تھا کہ بقیہ مدت بطور صدر اپنے فرائض کی تکمیل پر توجہ دوں گا۔ جو بائیڈن نے کہا کہ اپنے فیصلے کے بارے میں اس ہفتے بعد میں قوم سے بات کروں گا۔ میری دستبرداری پارٹی اور ملک کے بہترین مفاد میں ہے۔
