حکومت اورفلور ملز مالکان کے درمیان مذاکرات کامیاب، ہڑتال ختم

حکومت اورفلور ملز مالکان کے درمیان مذاکرات کامیاب، ہڑتال ختم

 حکومت اور فلور ملز مالکان کے درمیان  ہونے والے مذاکرات کامیاب ہوگئے ، حکومت نے ساڑھے 5 فیصد ایڈوانس انکم ٹیکس ختم کر دیا۔

تفصیلات کے مطابق حکومت نے فلور ملز مالکان پر ساڑھے پانچ فیصد ٹیکس واپس لینے کا فیصلہ کر لیا اور آٹا ملز مالکان نے ہڑتال ختم کر دی ، چیئرمین آل پاکستان آٹا ملز ایسوسی ایشن نے دعویٰ کیا ہے کہ یہ فیصلہ وزیر خزانہ محمد اورنگزیب سے ملاقات میں کیاگیاہے۔

وفاقی کابینہ کی جانب سے فلور ملزایسوسی ایشن کے درمیان مذاکرات کی صدارت وفاقی وزیراحد چیمہ نےکی۔ مذاکرات میں وفاقی وزیرخزانہ محمد اورنگزیب، وزیر مملکت علی پرویزملک، چیئرمین ایف بی آر ، فلور ملزایسوسی ایشن کےسینٹرل چیئرمین عاصم رضا سمیت چاروں صوبوں کےچیئرمینوں نے شرکت کی ۔

نوٹیفکیشن کے مطابق ملک بھرکی فلور ملز معمول کےمطابق کام کریں گی ۔ فلور ملز پر انکم ٹیکس ایکٹ کا سیکشن 153اے لاگونہیں ہوگا جبکہ ملزکمیشن سسٹم کےتحت آٹا فروخت کریں گی۔ آٹا ڈیلرزاورپرچون فروش فلور ملزکا آٹا فروخت کرنے پر فی تھیلا کمیشن لیں گے، کمیشن کی رقم پر انکم ٹیکس ایکٹ کے تحت ود ہولڈنگ ٹیکس لاگو ہوگا۔

یہ بھی پڑھیں:کم آمدنی والوں کیلئے بہترین موٹرسائیکلز کی فہرست سامنے آگئی

نوٹیفکیشن میں کہا گیا ہے کہ جن ہول سیلرز اور ریٹیلرز کی سالانہ سیل 10 کروڑسے کم ہے وہ آئندہ سال ود ہولڈنگ ٹیکس نیٹ میں شامل ہو نگے ۔ آئندہ مالی سال کےفنانس بل میں آٹا کاروبار پرٹیکس اصلاحات کو شامل کیا جائے گا۔

Related Articles

Leave a Reply

Your email address will not be published. Required fields are marked *