By پشاور میں آٹے کی قیمتوں میں اچانک بڑا اضافہ ہوگیا۔
تفصیلات کے مطابق پنجاب سے گندم کی بندش کی وجہ سے پشاور میں آٹے کی قیمتوں میں اضافے کا سلسلہ جاری ہے۔ 80 کلو آٹے کے تھیلے کی قیمت میں ایک ہزار روپے اضافہ ہوگیا، اسی طرح 20 کلوآٹے کا تھیلا بھی 400 روپے مہنگا ہوچکا ہے۔ فائن آٹے کا 80 کلو کا تھیلا 7500 سے بڑھ کر 8500 روپے ہوچکا ہے۔
مزید پڑھیں: گندم کی قیمت کم مقرر کرنے پر کسانوں کا احتجاج
آٹا ڈیلرز نے پنجاب سے گندم کی بندش اور ذخیر اندوزی کو وجہ قرار دیدیا گیا۔ آٹے کی قیمتوں میں اضافہ ہونے کے بعد نانبائیوں نے بھی روٹی کے نرخ بڑھانے کیلئے پر تولنا شروع کر دیے ہیں۔
دوسری جانب عام شہریوں کا کہنا ہے کہ اس مہنگائی سے جینا مشکل ہوگیا ہے، شہریوں نے حکومت سے معاملے کا نوٹس لے کر آٹے کی قیمتوں میں کمی کا مطالبہ کیا ہے۔شہریوں کا کہنا ہے کہ دن رات چیزوں کی قیمتیں بڑھتی چلی جا رہی ہیں، ایسے میں غریب آدمی اپنا گزارہ کیسے کرے۔
