عوام تیار رہے ، 5اگست کو ملک بھر میں احتجاج ہوگا،تحریک انصاف

پاکستان تحریک انصاف (پی ٹی آئی)نے 5 اگست کو ملک بھر میں بھرپور احتجاج کی کال د ے دی ۔

تفصیلات کے مطابق اسلام آباد میں میڈیا سے گفتگو کرتے ہوئےاپوزیشن لیڈر قومی اسمبلی عمرایوب کا کہنا تھا کہ ملک کو تباہی سے بچانے کے لیے حکومت کو ہوش کے ناخن لینے چاہئیں۔

انہوں نے کہا کہ رؤف حسن اور دیگر رہنماؤں کے جسمانی ریمانڈ کی جتنی مذمت کی جائےکم ہے اور سوال یہ اُٹھایا کہ ایف آئی اے کوان کے جسمانی ریمانڈ کی کیا ضرورت تھی؟ ۔

عمر ایوب کا کہنا تھا ہمارے دور حکومت میں بھی آئی پی پیز کے ساتھ کئے گئے وہ اور آج کے معاہدوں میں بڑافرق ہے۔  ہمارے معاہدے سستے تھے، ہمارا مقصد ملک میں سستی توانائی مہیا کرنا تھا۔ اس احتجاج میں عوام ہمارا ساتھ دے۔

یہ بھی پڑھیں:جماعت اسلامی کا بلوچستان حکومت سے الگ ہونے کا اعلان

انہوں نے کہا کہ ساہیوال پلانٹ کے لئے درآمدی کوئلے کی کیا ضرورت تھی۔ اپوزیشن لیڈر قومی اسمبلی عمر ایوب نے تحریک تحفظ آئین پاکستان میں پانچ جماعتوں کی شمولیت کا اعلان کیا۔

یہ بھی پڑھیں:رؤف حسن کا 2 روزہ جسمانی ریمانڈ منظور، ایف آئی اے کے حوالے

اس موقع پررہنما پی ٹی آئی اسد قیصر نے الزام عائد کیا کہ ان کے ایم این ایز کو وفاداری تبدیل کرنے کی آفرز کی جا رہی ہیں اور یہ کارروائیاں سپریم کورٹ کے فیصلے کے بعد کی جا رہی ہیں۔