By عمران خان کی ہمشیرہ علیمہ خان کا کہنا ہےکہ جو کیس بانی پی ٹی آئی اور بشریٰ بی بی پر بنایاگیا اصل میں وہ شہباز شریف پر ہونا چاہیے۔
تفصیلات کے مطابق اڈیالہ جیل کے باہر میڈیا سے گفتگو کے دوران انکا کہنا تھا کہ عدالت نے عمران خان اور بشریٰ بی بی کا 10 دن کا ریمانڈ د یدیا ہے، اس وقت بانی پی ٹی آئی اور بشریٰ بی بی ریمانڈ کی وجہ سے جیل میں ہیں۔
جو کچھ یہ حکومت کر رہی ہے یہ غیرقانونی ہے، ہمارا آئین اس کی قطعاً اجازت نہیں دیتا۔ ایک کیس جس میں سزا ہوگئی اسی کیس کی دوبارہ پروسیڈنگ شروع کردی جاتی ہے ، شہباز حکومت غیرقانونی کام کر رہی ہے۔
جو کیس بانی پی ٹی آئی اور بشریٰ بی بی پر بنایا گیااصل میں وہ ان پر ہونا چاہیے ۔ بانی پی ٹی آئی کی ہمشیرہ کا مزیدکہنا تھا کہ ہائی کورٹ ججز پورا اگست رخصتی پر چلے جائیں گے۔ پھر وہ ستمبر میں آئیں گے۔
انہوں نے اپنی بات جاری رکھتے ہوئے کہا کہ جب القادر ٹرسٹ کیس میں سزا دیں گے تو پٹیشن 30 ستمبر تک فائل کریں گے۔ یہ سب بانی پی ٹی آئی کو ڈیل پر آمادہ کرنے کیلئے کیا جارہا ہے۔
یہ بھی پڑھیں:ڈاکٹر یاسمین راشد طبی معائنے کیلئے ہسپتال منتقل
علیمہ خان کا مزیدکہنا تھا کہ بانی پی ٹی آئی ڈیل نہیں کریں گے اور یہ ان کو جیل سے نہیں نکالیں گے۔ وقت کا تقاضا ہے کہ ان غیرقانونی کاموں کے سامنے ہم سب کھڑے ہو جائیں ۔
