سابق بھارتی کرکٹر کینسر سے انتقال کر گئے

بھارت کے سابق کرکٹر اور کوچ انشومن گائیکواڈ کینسر سے طویل جنگ لڑتے لڑتے ہار گئے اور 71برس کی عمر میں انتقال کر گئے ۔

تفصیلات کے مطابق انشومن گائیکواڈ کافی عرصے سےبلڈ کینسر کے عارضے میں مبتلا تھے گزشتہ روز وہ اس دنیا سے کوچ کر گئے ۔ بھارتی میڈیا کے مطابق سابق بھارتی کرکٹر کافی عرصے سے لندن میں سکونت پذیر رہنے کے بعد ایک ماہ قبل ہی انڈین شہر برودہ میں اپنے علاج و معالجہ کے لیے واپس آئے تھے ۔

یہ بھی پڑھیں:عمران خان کےدونوں صاحبزادے والد کے نقش قدم پر ، کرکٹ کی دنیا میں قدم رکھ دیا

انشومن گائیکواڈ نے1975سے 1987تک 40ٹیسٹ ، 15ایک روزہ میچوں میں بھارتی ٹیم کی نمائندگی کی ، انہوں نے اپنے ٹیسٹ کیریئر میں 1985 رنز بنائے جس میں ان کا سب سے بڑا اسکور 201 پاکستان کیخلاف تھا۔ گائیکواڈ کو اکتوبر 1997 میں بھارتی کرکٹ ٹیم کا کوچ مقرر کیا گیا تھا اور وہ ستمبر 1999 تک یہ ذمہ داری نبھاتے رہے۔

یاد رہے کہ گزشتہ دنوں بھارتی کرکٹ ٹیم کے سابق کپتان کپل دیو نے سابق کرکٹر انشومن گائیکواڈ کے علاج کے لیے اپنی پنشن دینےکا اعلان کیا تھا۔