سندھ حکومت کے صوبائی وزیر ایکسائز اینڈ ٹیکسیشن شرجیل انعام میمن نے کہا ہے کہ محکمہ ایکسائز، حکومت سندھ کا ٹیکس نظام کو ون لنک سے جوڑ دیا گیا ہے، عوام اب گھر بیٹھے ٹیکس ادا کر سکیں گے۔
تفصیلات کے مطابق سندھ کے سینئرصوبائی وزیر شرجیل انعام میمن کی زیر صدارت محکمہ ایکسائز و ٹیکسیشن کا اجلاس منعقد ہوا ، جس میں سیکریٹری ایکسائز سلیم راجپوت، ڈی جی ایکسائز اونگزیب اکبر پنہور اور دیگر حکام شریک ہوئے۔سندھ حکومت کے سینئر صوبائی وزیرایکسائز اینڈ ٹیکسیشن شرجیل انعام میمن نے کہا کہ نئی ڈیجیٹل سروس عوام کا وقت بچانے، پریشانی کم کرنے اورٹیکس ادایئگی کو عوام کی انگلیوں تک لانے کے لیے یہ سہولت بنائی گئی ہے۔انہوں نے کہاکہ نئے آن لائن نظام سے شفافیت کو فروغ ملے گا، عوام اب گھر بیٹھے گاڑیوں کے ٹیکسز ادا کر سکیں گے اور عوام کسی بھی وقت ٹیکس کی ادائیگی منٹوں میں محفوظ اور قابل اعتماد طریقے سے کر سکیں گے۔
یہ بھی پڑھیں: بانی پی ٹی آئی کی ہدایات پر خیبر پختونخوا حکومت کرپشن کے خلاف زیرو ٹالیرنس پالیسی پر گامزن
صوبائی وزیرمحکمہ ایکسائز و ٹیکسیشن نے کہا کہ عوام کو بہترین کارکردگی اور سہولت فراہم کرنے کے لیے پرعزم یئں اور بڑے بڑے شہروں کے داخلی اور خارجی راستوں پر چوکیاں قائم کی جائیں گی، ٹیکس نادہندگان گاڑیوں کے خلاف کارروائیاں ہونگی۔ سینئر وزیر شرجیل انعام میمن کی جانب سے شو رومز پر گاڑیوں کی رجسٹریشن آسان بنانے کی ہدایات کا فیصلہ کیا گیا ہے اور پریمئر نمبر پلیٹس حاصل کرنے والوں کو سمارٹ کارڈ جاری کرنے کا فیصلہ کیا گیا ہے، صوبائی وزیر شرجیل انعام میمن نے کہا کہ سمارٹ کارڈ سے پریمئم نمبر پلیٹس کی جعلسازی کی حوصلہ شکنی ہوگی اور پریمئم نمبر پلیٹس مالکان کو گاڑی تبدیل کرنے کی صورت میں نیا سمارٹ کارڈ جار کیا جائے گا۔
یہ بھی پڑھیں: محکمہ موسمیات نے آئندہ 48 گھنٹوں میں بارشوں کی پیشنگوئی کردی
صوبائی وزیر شرجیل انعام میمن نے کہا کہ پریمئم نمبر پلیٹس کی نیلامی کا دوسرا مرحلہ بھی جلد شروع کرنے کا فیصلہ کیا گیا ہے اور 50 نمبرز کی نیلامی ہوگی اور پریمئم نمبر پلیٹس کی آن لائن نیلامی بھی جلد شروع کی جائے گی، 200 نمبر پلیٹس کی آن لائن نیلامی ہوگی، انہوں نے واضح کیا کہ نیلامی سے حاصل ہونے والی رقم سیلاب زدگان کے لئے گھروں کی تعمیر کے لئے دی جائے گی۔