By نیوزی لینڈ کے فاسٹ باؤلر ٹم ساؤتھی نے کہا ہے کہ پاکستان سپر لیگ (پی ایس ایل) بہترین ٹورنامنٹ ہے جسے میں پسند ہوں اورمستقبل میں پی ایس ایل کا حصہ بننے پر مجھے خوشی ہوگی۔
تفصیلات کے مطابق برمنگھم میںپاکستانی نجی ٹی و ی جیو نیوز سے خصوصی گفتگو کے دوران کیوی فاسٹ فاؤلر ٹم ساؤتھی نے کہا کہ میں نے2برس قبل اپنی ٹیم کیساتھ پاکستان کا دورہ کیا تھا اور پاکستان کے حوالے سے بہت سی خوشگوار یادیں ہیں۔
پاکستان کے ساتھ ٹیسٹ سیریز کے دوران خاص طور پر کراچی کے کھانوں اور میزبانی سے بہت خوب لطف اندوز ہوا ، ان کا کہنا تھا کہ پاکستان کی وکٹیں فاسٹ باؤلر کیلئے ساز گار نہیں اور مجھے ان سخت کنڈیشنز میں ٹیسٹ سیریز کھیلنے کا بہت مزا آیا اور یہ ایک اچھی سیریز تھی۔
ٹم ساؤتھی سے پوچھا گیا کہ آپ دی ہنڈرڈ اور انڈین پریمیئر لیگ (آئی پی ایل) کھیل چکے ہیں لیکن پاکستانی شائقین آپ کو پاکستان سپر لیگ میں کھیلتا ہوا دیکھنا چاہتے ہیں، اس پر آپ کیا کہیں گے ؟ا ن کا جواب میں کہنا تھا کہ مجھے پی ایس ایل کا حصہ بننے پر خوشی ہوگی۔
میں پی ایس ایل کو فالو کرتا ہو ن جو بہت اچھا ٹورنامنٹ ہے۔کیا پاکستان میں ہونے والی چیمپئنز ٹرافی اور نیوزی لینڈ کے دورہ پاکستان میں ٹیم کا حصہ ہوں گے ؟انہوں نے کہا کہ اس حوالے سے کچھ نہیں کہہ سکتا، یہ تو آنے والا وقت ہی بتائے گا، انٹرنیشنل کرکٹ میں ون ڈے ورلڈکپ ، ٹی20 ورلڈکپ کے بعد اب چیمپئنزٹرافی ہونے جارہی ہے۔
امید ہے پاکستان اس کیلئے پوری طرح تیار ہے۔ٹم ساؤتھی نے مزید کہا کہ دی ہنڈرڈ ٹورنامنٹ میں برمنگھم فینیکس کی نمائندگی کرنے پر خوشی ہے، ٹی ٹوئنٹی کی طرح دی ہنڈرڈ فارمیٹ بھی زیادہ بولرز فرینڈلی نہیں ہے۔
