By چیرمین پی سی بی کے ایڈوائزر وقار یونس کی تقرری کے خلاف دائر درخواست پر سماعت اج لاہور ہائی کورٹ میں ہوئی جس میں استدعا کی گئی کہ وقار یونس کی اشتہار کے بغیر تقرری کا نوٹیفیکیشن جاری کیا گیا ہے۔
تفصیلات کے مطابق شہری مشکور حسین نے وقار یونس کی پی سی بی کے چیئرمین کے ایڈوائزر کی تقرری کو لاہور ہائی کورٹ میں چیلنج کرتے ہوئے کورٹ سے استدعا کی ہے کہ وقار یونس کی تقرری قواعدو ضوابط کے خلاف ہے ، لہزا لاہور ہائیکورٹ وقار یونس کی بطور ایڈوائزر ٹو چئیرمین پی سی بی تقرری کالعدم قرار دے۔ عدالت نے درخواست گزار کو تقرری کا نوٹیفیکیشن درخواست کے ساتھ لگانے کی ہدایت کرتے ہوئے سماعت عدالتی تعطیلات کے بعد تک ملتوی کردی ہے۔ عدالت نے درخواست گزار کے وکیل سے استفسار کرتے ہوئے پوچھا کہ اس تقرری کے حوالےسے کرکٹ قوانین کیا کہتے ہیں اور آپ کس طرح متاثرہ فریق ہیں۔ وکیل درخواست گزار نے کورٹ کا آگاہ کیا کہ وہ پاکستان کے شہری ہیں اور اشتہار کے بغیر تقرری کا نوٹیفیکیشن جاری کیا گیا۔
یہ بھی پڑھیں: پیرس اولمپکس، فائنل جیت کر پاکستان کا نام روشن کرنا چاہتا ہوں ،ارشد ندیم
لاہور ہائی کورٹ کے جسٹس شہرام سرور چوہدری نے شہری مشکور حسین کی درخواست پر سماعت کی اور درخواست گزار کی جانب سے ندیم سرور ایڈووکیٹ پیش ہوئے درخواست میں وفاقی حکومت، پی سی بی اور وقار یونس کو فریق بنایا گیا ہے اور درخواست میں استدعا کی گئی ہے کہ وقار یونس کی بطور ایڈوائزر تقرری قانون کے منافی ہے لہذا کورٹ وقار یونس کی تقرری کالعدم قرار دے کیونکہ وقار یونس کی تقرری کے لیے کسی اخبار میں اشتہار نہیں دیا گیا ہے۔
