By پاکستان ٹیلی کمیونیکیشن اتھارٹی نے سمز کی بندش کیلئے نیشنل ڈیٹا بیس اینڈ رجسٹریشن اتھارٹی کی معاونت سے نیا مرحلہ وار پلان تیارکر لیا ہے۔
تفصیلات کے مطابق پی ٹی اے نے نادرا سے ملک میں موبائل سمز کی مرحلہ وار بندش کے حوالے سے پلان تیار کرتے ہوئے متعلقہ ڈیٹا حاصل کرلیا ہے اور تین فیزز میں سموں کو بند کیا جائے گا۔ پی ٹی اے زرایع کے مطابق پہلے فیز میں فیک/ کینسلڈ شناختی کارڈز پر رجسٹرڈ سمز کو بند کیا جائے گا اور دوسرے فیز میں ایکسپائر شناختی کارڈز پر رجسٹرڈ سمز کو بند کیا جائے گا اور تیسرے مرحلے میں فوت شدہ افراد کے نام پر رجسٹرڈ سمز کو بند کیا جائے گا۔ اس حوالے سے ترجمان پی ٹی اے کے مطابق پی ٹی اے کی جانب سے صارفین کو میسجز موصول ہونا شروع ہو گئے ہیں اور سمز کو مرحلہ وار بند کرنے کا عمل 16 اگست سے شروع ہوگا۔
