By وزیراعلیٰ بلوچستان میر سرفراز بگٹی نے کہا ہے کہ بلوچستان کیخلاف ایک منظم سازش جاری ہے جس کا ہم سب مل کر مقابلہ کریں گے ۔
تفصیلات کے مطابق وزیراعلیٰ بلوچستان میر سرفراز بگٹی نے جشن آزادی کی مناسبت سے کوئٹہ میں منعقد ہونے والی گھوڑ سواری گالا میں شرکت کی، انہوں نے مختلف ٹیموں کے مابین نیزہ بازی، ہارس جمپنگ کے مقابلوں اور پولو میچ بھی دیکھا۔
اس موقع پرچیف منسٹربلوچستان میر سرفراز بگٹی کا تقریب سے خطاب کرتے ہوئےکہنا تھا کہ اللہ تعالیٰ پاکستان کو ہمیشہ قائم و دائم رکھے، زندہ قومیں جشن آزادی کو جوش و جذبے کے ساتھ مناتی ہیں، صوبائی حکومت نے فیصلہ کیا ہے کہ اس سال بھی جشن آزادی کو صوبے بھرمیں پورے جوش و خروش سے منایا جائے گا۔
یہ بھی پڑھیں:فیض حمید کے خلاف ایکشن، معاملہ دور تک جائیگا،فیصل واوڈاکادعویٰ
سرفراز بگٹی نے مزید کہا کہ صوبے کے مختلف علاقوں میں ماہ اگست کے اوائل سے ہی جشن آزادی کی تقاریب کا سلسلہ جاری ہے، بلوچستان کے لوگ محب وطن ہیں، بلوچستان کے عوام پاکستان کی سالمیت دفاع اور استحکام کے لئے ایک مضبوط چٹان کی مانند کھڑے ہیں۔ وزیراعلیٰ نے گھوڑ سواری میلے میں مختلف کھیلوں میں حصہ لینے والی ٹیموں کی کارکردگی کی تعریف کی، تقریب کے اختتام پر وزیراعلیٰ کھلاڑیوں اور عام شہریوںمیں گھل مل گئے، کھلاڑیوں اور عوام نے وزیراعلیٰ کے ساتھ سیلفیاںبھی بنوائیں۔
