عالمی منڈی میں خام تیل کی قیمتوں میں اضافہ

عالمی منڈی میں خام تیل کی قیمتوں میں اضافہ ہوگیا۔

رپورٹ کے مطابق بدھ کو امریکی خام تیل اور پٹرول کے ذخائر میں کمی کے تخمینوں کی وجہ سے خام تیل کی قیمتوں میں اضافہ ریکارڈ کیا گیا ہے۔

برینٹ کروڈ کی قیمت 32 سینٹ یا 0.4 فیصد اضافے سے 81.01 ڈالر فی بیرل پر پہنچ گئی۔امریکی ویسٹ ٹیکساس انٹرمیڈیٹ خام تیل کے نرخ 33 سینٹ یا 0.4 فیصد اضافے کے ساتھ 78.68 ڈالر فی بیرل کی سطح پر پہنچ گئے۔

رپورٹس میں بتایا گیا کہ مشرق وسطی میں کشیدگی بڑھنے سے تیل کی قیمتوں میں مزید اضافے کا امکان ہے ۔

واضح رہے کہ گزشتہ روز پاکستان میں پیٹرولیم مصنوعات کی قیمتوں میں کمی کا اعلان کیا گیا تھا۔ پیٹرول کی قیمت میں 8 روپے 47 پیسے جبکہ ڈیزل کی فی لیٹر قیمت میں 6 روپے 7 پیسے کی کمی کی گئی تھی۔

عالمی منڈی میں خام تیل مہنگا  ہونے کا سلسلہ جاری رہا تو پاکستان میں بھی پیٹرول مہنگا ہونے کا امکان ہے۔