By آئندہ دو روز ملک بھر میں آندھی اور گرج چمک کیساتھ بارشوں کی پیشنگوئی کر دی گئی۔
محکمہ موسمیات کے مطابق صوبہ بلوچستان میں 19 اگست کے تک سبی، ہرنائی، زیارت، کوہلو، بارکھان، ڈیرہ بگٹی، ژوب، موسیٰ خیل، نصیر آباد، اوستہ محمد، جھل مگسی، صحبت پور، خضدار، قلات، سکندرآباد، آواران، کیچ، پنجگور، گوادر (جیوانی، پسنی، گوادر، اورماڑہ) ، حب ، لسبیلہ، لورالائی، کوئٹہ، شیرانی، قلعہ عبداللہ، قلعہ سیف اللہ، مستونگ، بولان، ہرنائی اور جعفرآبادمیں تیز ہوائیں /جھکڑ چلنے اورگرج چمک کے ساتھ وقفے وقفےسے بارش کا امکان ہے ۔ اس دوران چند مقا مات پر موسلادھار بارش بھی متوقع ہے۔
صوبہ سندھ میں18اگست تک سکھر، شکارپور، کشمور، خیرپور، نوشہروفیروز، لاڑکانہ، دادو، جیکب آباد، کراچی، حیدرآباد، ٹھٹھہ، بدین، ٹنڈو الہ یار، ٹنڈو محمد خان، تھرپارکر، مٹھی، میرپور خاص، عمرکوٹ اور سانگھڑمیں چند مقامات پرتیز ہوائیں /جھکڑ چلنے اورگرج چمک کے ساتھ وقفے وقفے سے بارش کا امکان ہے۔ اس دوران بعض مقا مات پر موسلادھار بارش بھی متوقع ہے۔20اگست تک کشمیر (وادی نیلم، مظفر آباد،راولاکوٹ، پونچھ، ہٹیاں،باغ،حویلی،سدھنوتی، کوٹلی،بھمبر،میر پور) میں تیز ہواؤں اورگرج چمک کے ساتھ وقفے وقفے سے بارش کا امکان ہے۔اس دوران بعض مقا مات پر موسلادھار بارش کی بھی توقع ہے۔
پنجاب/اسلام آباد میں 16 سے20 اگست کے دوران اسلام آباد/راولپنڈی، مری، گلیات، اٹک، چکوال، تلہ گنگ، جہلم، منڈی بہاؤالدین، گجرات، گوجرانوالہ، حافظ آباد، وزیر آباد، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، لاہور، شیخوپورہ، سیالکوٹ، نارووال، اوکاڑہ، پاکپتن، قصور، خوشاب اورسرگودھامیں تیز ہوائیں /جھکڑ چلنے اورگرج چمک کے ساتھ بیشتر مقا مات پر وقفے وقفے سے بارش کا امکان ہے۔ اس دوران کہیں کہیں پر موسلادھار بارش کی بھی توقع ہے۔17اگست تک بہاولپور، بہاولنگر،خانپور، ڈیرہ غازی خان، ملتان، بھکر ، میانوالی، خانیوال، لودھراں، مظفر گڑھ، کوٹ ادو، راجن پور، رحیم یار خان اور لیہ میں تیز ہوائیں /جھکڑ چلنے اورگرج چمک کے ساتھ بارش کی توقع ہے۔ اس دوران چند مقا مات پر موسلادھار بارش بھی متوقع ہے۔
خیبر پختونخوامیں20 اگست کےتک چترال، دیر، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، باجوڑ، مہمند، خیبر، مانسہرہ، ایبٹ آباد، ہری پور، پشاور، صوابی، نوشہرہ، مردان، چارسدہ، ہنگو، کرم، اورکزئی، وزیرستان، بنوں، لکی مروت اور ڈیرہ اسماعیل خان میں تیز ہوائیں /جھکڑ چلنے اور گرج چمک کےساتھ سے وقفے وقفے سےبارش کا امکان ہے۔ اس دوران کہیں کہیں پر موسلادھار بارش بھی متوقع ہے۔
گلگت بلتستان میں18اگست تک گلگت بلتستان (دیامیر، استور، اسکردو، گلگت، گھانچے اورشگر) میں تیز ہواؤں کے ساتھ وقفے وقفے سےبارش کی توقع ہے۔
تفصیلات کے مطابق این ڈی ایم اے نے الرٹ جاری کرتے ہوئے کہا ہے کہ لاہور ، سیالکوٹ، نارروال میں تیز بارشوں کے باعث اربن فلڈنگ کا خدشہ ہے۔ دریائے چناب میں درمیانے سے اونچے درجے کے سیلابی ریلے متوقع ہیں۔ سیلابی ریلے مقامی ندی نالوں میں بھی طغیانی کا باعث بن سکتے ہیں۔ این ڈی ایم اے نے کہا کہ رحیم یار خان ، بہاولپور اور ملتان میں بھی بارشیں اور اربن فلڈنگ کا خدشہ ہے جبکہ ڈیرہ غازی خان اور راجن پور میں پہاڑی طوفان کا خطرہ ہوسکتا ہے۔قلات،زیارت،ژوب اور کوئٹہ میں بھی تیز بارش اور ہل ٹورینٹ کا امکان ہے اس کے علاوہ نواب شاہ اور سکھر میں چند مقامات پر اربن فلڈنگ ہو سکتی ہے۔
این ڈی ایم اے نے تمام محکموں کو الرٹ رہنے کی ہدایت کر دی ہے۔
