By صدر مملکت نے بلاول ہاؤس کراچی میں سالانہ مون سون شجر کاری مہم کے تحت ’’نیم‘‘ کا پودا لگایا اور عوام سے مون سون شجر کاری مہم میں بھر پور حصہ لینے کی اپیل کی ہے۔
تفصیلات کے مطابق 18 اگست پاکستان میں مون سون میں درخت لگانے کے قومی دن کے طور پر منایا جاتا ہے اس حوالے سے صدرِ مملکت آصف علی زرداری نے جاری پیغام میں کہا ہے کہ قومی سطح پر جنگلات کی شرح میں اضافے کی ضرورت ہے، تاکہ موسمیاتی تبدیلی، عالمی درجہ حرارت میں اضافے کے منفی اثرات کم کرنے کیلئے زیادہ سے زیادہ درخت لگائیں جائیں کیونکہ پاکستان موسمیاتی تبدیلیوں اور گلوبل وارمنگ سے سب سے زیادہ متاثرہ ممالک میں سے ایک ہے۔ صدرِ مملکت نے کہا کہ نوجوان اور سول سوسائٹی جنگلات کے رقبے کو بڑھانے کے لیے زیادہ سے زیادہ درخت لگانے میں مدد کریں،نیم ماحول دوست درخت، بے شمار ماحولیاتی فوائد ہیں
یہ بھی پرھیں :حکومت کا پٹرولیم سیکٹر کے حوالے سے بڑا اعلان
۔ انہوں نے کہا کہ نیم صاف ہوا، ٹھنڈی چھاؤں کے علاوہ قدرتی طور پر مچھروں کو دور کرتا ہےاورمحترمہ بے نظیر بھٹو شہید کے وزیراعظم کی حیثیت سے پہلے دور حکومت میں بطور وزیر موسمیات خدمات انجام دی تھیں۔محترمہ بے نظیر بھٹو شہید کے پہلے دور میں درخت لگانے کی مہم کا آغاز کیا گیا اور شجرکاری مہم کے تحت ملک بھر میں نیم کے درخت لگائے گئے تھے، صدرِ ملکت کا کہناتھا کہ آج پاکستان میں بڑھتے درجہ حرارت کے پیش نظر درخت لگانے کی ضرورت اور بھی بڑھ گئی ہے اس حوالے سے قوم بالخصوص نوجوان اور سول سوسائٹی مون سون شجر کاری مہم میں بڑھ چڑھ کر حصہ لے اوربہتر ماحول کے لیے اپنے محلوں اور گردونواح میں زیادہ سے زیادہ درخت لگائیں۔انہوں نے کہا کہ مون سون درخت شجرکاری مہم جنگلات میں اضافے، ملک میں ہریالی بڑھانے، ماحول صحت مند اور صاف بنانے کا بہترین موقع ہے۔
