By پاکستان تحریک انصاف نے دعوی کیا ہے تحریک انصاف کے 22 اگست جلسے سے قبل گزشتہ رات پولیس نے کئی رہنما اور کارکنوں کے گھروں پر چھاپے مارے اور بہت سے کارکنوں کو گرفتار کیا گیا ہے۔
پی ٹی آئی زرایع کے مطابق پولیس نےچھاپہ مار کارروائیوں کے دوران تحریک انصاف کے درجنوں کارکنوں کو حراست میں لیا ہے۔ پی ٹی آئی لاہور زرایع کا کہنا ہے کہ مناواں لاہور سے اصغر گجراور شاہدرہ سے عبدالکریم خان اور واجد شاہ کو حراست میں لیا گیا ہے تحریک انصاف زرایع کا کہنا ہے کہ 22 اگست کو اسلام آباد جلسہ کے پیش نظرگرفتاریاں کی گئیں ہیں تاکہ تحریکِ انصاف کی مقامی قیادت اور کارکنان کو خوف و ہراس میں مبتلا کیا جا سکے۔تحریک انصاف کے یاسر گیلانی ، حافظ ذیشان کے گھروں پر چھاپے مارے گئے ہیں۔
