By وزیر اعلی پنجاب مریم نواز شریف نے کہا ہے کہ پنجاب بھر کے اداروں کو ماڈرن لائنز پر ڈیجیٹلائز بنا رہے ہیں جس سے شہری گھر بیٹھے تمام شہری سہولتیں حاصل کر سکیں گے۔
تفصیلات کے مطابق وزیر اعلی پنجاب مریم نواز شریف نے کہا ہے کہ تمام سرکاری محکموں سے فائل کلچر ختم کر رہے ہیں اورپنجاب میں شہری سہولتوں کے حوالے سے دستک پائلٹ پراجیکٹ کے بہترین رزلٹ مل رہے ہیں جس کےدائرہ کار کو بتدریج وسعت دیں گے – انہوں نے کہا کہ لاہور ڈیولپمنٹ اتھارٹی میں آن لائن رہائشی بلڈنگ پلان کی منظوری دے دی گئی ہے جس کے تحت شہری ایل ڈی اے سے گھر بیٹھے آن لائن رہائشی نقشوں کی منظوری کرا سکتے ہیں اورنقشے کی منظوری کی درخواست، نقشہ اپ لوڈ، پراسسنگ، چالان سب آن لائن ہو گا اور اعتراض کی صورت میں درستگی اور منظور شدہ نقشہ ڈاون لوڈ کیا جا سکے گا۔
یہ بھی پڑھیں: پیپلز پارٹی پنجاب کے عوام کیلئے ریلیف کو تسلیم کرے،عظمیٰ بخاری
وزیر اعلی پنجاب مریم نواز شریف نے کہا کہ رہائشی بلڈنگ پلان کی منظوری کے لیے شہریوں کو اب ایل ڈی اے دفتر آنے کی ضرورت نہیں اور شہری ایل ڈی اے موبائل ایپ اور ایل ڈی اے کی ویب سائٹ پر جاکر اپلائی کر سکتے ہیں۔انہوں نے واضح کیا کہ ایل ڈی اے میں ڈیجیٹل ریفارمز کا سلسلہ تیزی سے جاری ہے اورپنجاب بھر کے اداروں کو ماڈرن لائنز پر ڈیجیٹلائز بنا رہے ہیں – انکا کہنا تھا جدید اصلاحات شہریوں کو طویل قطاروں میں کھڑے ہو کر انتظار نہیں کرنا پڑے گا اور اسکیساتھ ساتھ سرکاری محکموں میں فائل کلچر کو ختم کر رہے ہیں اس حوالے سے آئی ٹی پر مبنی ریفارمز سے شہریوں کو ایجنٹ مافیا اور کرپشن سے نجات ملے گی۔
