سمندری طوفان ’اسنا‘ کی شدت میں کمی ، محکمہ موسمیات نے آخری الرٹ جاری کردیا

محکمہ موسمیات کا کہنا ہے کہ سمندری طوفان ’اسنا‘ کی شدت میں مسلسل کمی آرہی ہے۔

محکمہ موسمیات نے سمندری طوفان اسنیٰ کیلئے آخری ٹراپیکل سائیکلون الرٹ جاری کردیا۔

محکمہ موسمیات کے مطابق سمندری طوفان اسنیٰ کمزور ہوگیا، طوفان ڈیپ ڈپریشن کی صورت میں عمان کے ساحلی جزیرے ماثرہ سے 320 کلومیٹر شمال مشرق پر موجود ہے۔

یہ بھی پڑھیں :عمران خان کی بطور چانسلر نامزدگی آکسفورڈ کی خواتین کی توہین ہے : برطانوی اخبار

محکمہ موسمیات نے بتایاکہ طوفان اسنیٰ گوادر کے جنوب سے 370 کلومیٹر کے فاصلے پر ہے، رات دیر گئے یا کل صبح تک طوفان مزید کمزور ہوکر ڈپریشن بن سکتا ہے، سمندر میں شدیدطغیانی رہ سکتی ہے، کل تک بلوچستان کے ماہی گیر گہرے سمندر میں نہ جائیں۔

دوسری جانب محکمہ موسمیات نے کہا ہے کہ کل سے مرطوب ہوائیں خلیج بنگال سے ملک کے بالائی حصوں میں داخل ہوں گی، کل سے ایک مغربی لہر کے ملک کے مغربی حصوں پر اثر انداز ہونے کا امکان ہے اور سندھ بھر میں سسٹم کے تحت 3 اور 4 ستمبر کو گرج چمک کے ساتھ بارشوں کا امکان ہے ۔