By انٹرنیشنل ایسوسی ایشن آف ویمن پولیس نے ایس ایس پی رفعت بخاری کو خواتین کے تحفظ، آرٹیفیشل انٹیلی جنس ، انٹیلیجنٹ ٹریفک مینجمنٹ اور روڈ سیفٹی میکنزم کی تیاری پر ایوارڈ سے نوازا ہے۔
ترجمان پنجاب پولیس کے مطابق انٹرنیشنل ایسوسی ایشن آف ویمن پولیس نے پنجاب پولیس کی خاتون آفیسر ایس ایس پی رفعت بخاری کو ا مریکہ کے شہر شکاگو میں منعقدہ 61 ویں سالانہ کانفرنس میں ایکسیلئنس پرفارمنس ایوارڈ سے نوازا گیا ہے۔ ایس ایس پی رفعت بخاری ان دنوں پنجاب سیف سٹیز اتھارٹی میں خدمات سر انجام دے رہی ہیں ۔ ترجمان پنجاب پولیس کے مطابق یہ ایوارڈ ہر سال دنیا بھر سے ایک خاتون پولیس افسر کو اپنے معاشرے کیلئے غیر معمولی خدمات کے اعتراف میں دیا جاتا ہے۔انٹرنیشنل ایسوسی ایشن آف ویمن پولیس کی صدر ڈیبرا فریڈل نے ایس ایس پی رفعت بخاری کو ایوارڈ سے نوازا ہے۔
یہ بھی پڑھیں: پولیس نے قبول خان چیک پوسٹ پر دہشتگردوں کا حملہ ناکام بنا دیا
آئی جی پنجاب ڈاکٹر عثمان انور اور ایم ڈی سیف سٹیز اتھارٹی احسن یونس کی ایس ایس پی رفعت بخاری کو مبارکباد پیش کی اور آئی جی پنجاب ڈاکٹر عثمان انورنے ایس ایس پی رفعت بخاری کی کامیابی کو تمام پولیس افسران بالخصوص خواتین افسران کیلئے باعث فخر قرار دیا ہے۔
