By کراچی کے کارساز سروس روڈ حادثہ کی مرکزی ملزم نتاشہ دانش کو پولیس نے عدالت میں پیش نہ کرنے کا فیصلہ کیا ہے۔
تفصیلات کے مطابق کارساز سروس روڈ حادثہ میں مرکزی ملزم نتاشہ دانش کو پولیس کی جانب سے اہم استثنیٰ حاصل ہوا ہے اور پولیس نے ملزمہ کو عدالت کے سامنے پیش نہ کرنے کا فیصلہ کیا ہے۔ پولیس زرائع کا کہنا ہے کہ ملزمہ نتاشہ کی ویڈیو لنک کے ذریعی حاضری لگوائی جائیگی۔ پولیس زرائع کے مطابق ملزمہ نتاشہ کو تھریٹز لاحق ہے جس کی وجہ سے عدالت میں پیش نا کرنے کا فیصلہ کیا گیا گیا ہے۔
یہ بھی پڑھیں: پنجاب پولیس کی خاتون افسر کا عالمی اعزاز : پاکستان کا نام عالمی سطح پر روشن کر دیا
پولیس زرائع نے کہا ہے کہ کسی ناخوشگوار واقعہ سے بچنے کے لئے ملزمہ کو ویڈیو لنک کے ذریعے پیش کیا جائیگا اور ویڈیو لنک کی عدالت سے بھی اجازت لی گئی ہے۔ پولیس زرائع کے مطابق ملزمہ نتاشہ وومین جیل کراچی میں موجود ہیں۔ تفصیلات کے مطابق کارساز حادثہ کی سماعت آج مورخہ ستمبر 2 کو جوڈیشل مجسٹریٹ شرقی کی عدالت میں ہوئی اور وکیل مدعی بیرسٹر عزیر غوری نے احاطہ عدالت میں گفتگو کرتےہوئے کہا کہ ملزمہ کے وکیل نے حاضری سے استثنی کی درخواست عدالت میں جمع کروائی ہے اورعدالت نے صرف آج کے لیے ویڈیو لنک پر حاضری کی اجازت دی ہے، بیرسٹر عزیز غوری نے کہا کہ پولیس نے چالان ابھی تو جمع نہیں کروایا ہےاورممکن ہے کہ عدالت تفتیشی افسر کو چالان جمع کروانے کے لیے مہلت دے دیں ، انہوں نے کہا کہ پولیس نے منشیات کے استعمال پر الگ مقدمہ درج کیا ہے۔
یہ بھی پڑھیں: پولیس نے قبول خان چیک پوسٹ پر دہشتگردوں کا حملہ ناکام بنا دیا
جبکہ الگ مقدمہ درج کرنے کے بجائے مرکزی مقدمہ میں دفعات شامل کرنی چاہیے تھیں۔انہوں نے کہا کہ سپریم کورٹ کی اس حوالے سے واضح ڈائریکشن موجود ہیں کہ دونوں مقدمات ایک ساتھ ہی چلیں گے۔ بیرسٹر عزیز نے کہا کہ میرے موکل کو اگر دیت کے حوالے سے کوئی رابطہ ہوا ہے تو میرے علم میں نہیں اور انکا کہنا تھا کہ لگائی گئی دفعہ 322 میں دیت ہی سزا ہے انہوں نےکہا کہ عدالت چاندی کے حساب سے دیت کی رقم کی منظوری دیتی ہے اور انکا کہنا تھا کہ مدعی فیملی پر دباؤ ضرور ہے اور مدعی نے اس حوالے سے اکثر اوقات دباؤ کے حوالے سے بتایا ہے۔
