ہنڈائی گاڑیوں کی قیمتوں میں اضافہ ہوگیا

ہنڈائی نشاط نے دوسرے ممالک سے مصنوعات کی ترسیل کی لاگت میں اضافے کے باعث گاڑیوں کی قیمتوں میں اضافے کا اعلان کر دیا ہے۔ کمپنی نے ایلانٹرا، سوناٹا، ٹوسان اور پورٹر ماڈلز کی قیمتوں میں اضافہ کیا ہے۔

ایلانٹرا (Elantra) کی نئی قیمتیں:

ایلانٹرا 2000 سی سی کی قیمت میں اڑھائی لاکھ روپے کا اضافہ کر دیا گیا ہے، جس کے بعد گاڑی کی نئی قیمت 71 لاکھ 80 ہزار روپے ہو گئی ہے۔ اس سے قبل یہ گاڑی 69 لاکھ 30 ہزار روپے میں دستیاب تھی۔

ہنڈائی ٹوسان (Tucson) کی نئی قیمتیں:

ٹوسان جی ایل ایس FWD کی قیمت میں ڈیڑھ لاکھ روپے کا اضافہ کیا گیا ہے، جس کے بعد نئی قیمت 73 لاکھ 15 ہزار روپے مقرر کی گئی ہے۔
ٹوسان جی ایل ایس AWD کی قیمت اڑھائی لاکھ روپے بڑھا کر 82 لاکھ 80 ہزار روپے کر دی گئی ہے۔ پہلے یہ ماڈل 80 لاکھ 30 ہزار روپے میں دستیاب تھا۔
ٹوسان الٹی میٹ AWD کی قیمت میں بھی اڑھائی لاکھ روپے کا اضافہ ہوا ہے، جس کے بعد نئی قیمت 89 لاکھ 9 ہزار روپے ہو گئی ہے۔

سوناٹا (Sonata) کی نئی قیمتیں:

سوناٹا 2000 سی سی کی قیمت میں اڑھائی لاکھ روپے کا اضافہ کر دیا گیا ہے، جس کے بعد گاڑی کی نئی قیمت ایک کروڑ 2 لاکھ 29 ہزار روپے ہو گئی ہے۔ اس سے قبل یہ گاڑی 99 لاکھ 79 ہزار روپے میں دستیاب تھی۔
سوناٹا 2500 سی سی کی قیمت کو ایک کروڑ 9 لاکھ 30 ہزار روپے سے بڑھا کر ایک کروڑ 12 لاکھ 5 ہزار روپے مقرر کیا گیا ہے۔