By پاکستان تحریک انصاف کی کور کمیٹی کا اہم ترین اجلاس کے جاری اعلامیہ میں کہا گیا ہے کہ پاکستان تحریکِ انصاف 8 ستمبر کو بھر پور عوامی طاقت کا مظاہرہ کریگی۔
تفصیلات کے مطابق پاکستان تحریکِ انصاف کور کمیٹی اجلاس کے جاری اعلامیے میں کہا گیا ہے کہ سپریم کورٹ کے فیصلے کے نتیجے میں بانی چیئرمین تحریک انصاف عمران خان اور بشری بی بی کے خلاف توشہ خانہ اور القادر کے بے بنیاد کیس نیب کے دائرہ اختیار سے نکل کر غیر مؤثر ہو چکے ہیں اور کور کمیٹی کا سپریم کورٹ کے نیب ترامیم فیصلے کے نتیجے میں توشہ خانہ اور القادر ٹرسٹ کیس کے خاتمے کا مطالبہ کر دیا ہے۔کور کمیٹی اجلاس نے عدالتی فیصلے کی روشنی میں ان مقدمات کی کارروائی کو بلاجواز التوا کی نذر کرنے کی بجائے انہیں فی الفور ختم کرنے کا مطالبہ کیا ہے اورکور کمیٹی اعلامیئے میں الیکشن کمیشن کی جانب سے انٹرا پارٹی کیس میں تحریک انصاف کی درخواستیں مسترد کرنے کی شدید مذمت کی گئی ہے۔کور کمیٹی اجلاس نے الیکشن کمیشن کا انٹرا پارٹی الیکشن کے حوالے سے چاروں درخواستیں مسترد کرنے کا فیصلہ سراسر بدنیتی پر مبنی ہے، اورکور کمیٹی کی جانب سے رحیم یار خان کے حلقہ این اے 171 میں ضمنی انتخاب سے قبل پولیس گردی کی شدید مذمت کی گئی ۔
مزید پڑھیں: وفاقی حکومت نے تعطیل کا اعلان کردیا
الیکشن کمیشن سے ضمنی الیکشن سے قبل پنجاب پولیس کی جانب سے غیر قانونی چھاپوں اور گرفتاریوں کا نوٹس لینے کا مطالبہ بھی کیا گیا ہے۔
تحریکِ انصاف کور کمیٹی اعلامیئے میں مطالبہ کیا گیا ہے کہ الیکشن کمیشن ریاستی مشینری کی جانب سے انتخابی عمل میں کھڑی کی جانے والی رکاوٹوں کا تدارک کرتے ہوئے شفاف الیکشن کا انعقاد یقینی بنائے۔ تحریکِ انصاف کور کمیٹی شرکاء کااسلام آباد 8 ستمبر کے جلسے کو بھرپور انداز میں منعقد کرنے کے عزم کا اعادہ کیا اور کہا گیا کہ 8 ستمبر کا جلسہ ہر حال میں ہو گا جس میں تحریک انصاف اپنی عوامی طاقت کا مظاہرہ کرے گی اور یقینی بنایا گیا کہ پاکستان تحریک انصاف کی تمام تنظیمییں اور ونگز جلسے میں شرکت کر کے اسے کامیاب بنائیں گے اورعوام سے اپنے لیڈر عمران خان کی رہائی اور مینڈیٹ چوروں سے آزادی کیلئے جلسے میں بھرپور شرکت کی اپیل بھی کی گئی ہے۔
مزید پڑھیں: محکمہ جنگلات خیبر پختونخوا کے زیر اہتمام یوم دفاع پاکستان پر منفرد سیڈ بالز شجر کاری کا انعقاد
تحریکِ انصاف کور کمیٹی نے قومی اسمبلی میں پاس ہونے والا پرامن احتجاج بل 2024 مسترد کر دیا ہے اورکہا گیا کہ عجلت میں منظور کیے جانے والا یہ کالا قانون جمہوریت پر قدغن اور بنیادی آئینی حقوق پر حملہ ہے۔ تحریک انصاف عدلیہ کی آزادی سے لے کر پرامن سیاسی اجتماعات کے خلاف قانون سازی کیلئے پارلیمان کے استعمال کی ہر سطح پر بھرپور مخالفت کرے گی۔
