By پار لیمنٹ سے صاحبزادہ حامد رضا، شیخ وقاص اکرم، زین قریشی اور شاہد خٹک سمیت دیگر پی ٹی آئی رہنما ؤں کو پولیس گرفتار کر کے لے گئی ۔
تفصیلات کے مطابق اس سے قبل پارلیمنٹ ہا ؤس کی لا ئٹس بند کرکے سول کپڑوں میں ملبوس پولیس اہلکار پارلیمنٹ کے اندر داخل ہو گئے تھے ۔ اس سے پہلے وفاقی پولیس نے پی ٹی آئی کے چیئرمین بیرسٹر گوہر اور شیر افضل مروت کو بھی پارلیمنٹ کے باہر سے حراست میں لیا تھا جب کہ پولیس ذرائع کے مطابق شعیب شاہین کو ان کے گھر سے گرفتار کیا گیا ہے ۔
یہ بھی پڑھیں:وزیر اعلیٰ خیبر پختونخواعلی امین گنڈا پور پشاور پہنچ گئے ، بھائی کی تصدیق
اسلام آباد پولیس کی جانب سے سنی اتحاد کونسل کے سربراہ صاحبزادہ حامد رضا کو پارلیمنٹ ہاؤس کے اندر سے گرفتار کیا گیا جب کہ پی ٹی آئی ایم این اے مولانا نسیم الرحمان کو بھی حراست میں لیا گیا ہے۔ ذرائع کا کہنا ہے کہ نئے قانون کے مطابق جلسے میں موجود پنجاب کی قیادت کیخلاف بھی کریک ڈاؤن شروع ہونے کا امکان ہے اور اسلام آباد پولیس نے پنجاب پولیس کو باضابطہ طور پر اس حوالے سے آگاہ کر دیا ہے۔
