مجوزہ آئینی ترامیم کیا ہیں ؟ تفصیلات سامنے آگئیں

حکومت کی جانب سے قومی اسمبلی میں منظوری کے لیے پیش کی جانے والی مجوزہ آئینی ترامیم کی تفصیلات سامنے آ گئیں۔

ذرائع کے مطابق حکومتی آئینی ترامیم میں20سے زائد شقوں کو شامل کیا گیا ، آئین کی شقیں 51،63، 175، 187 اور دیگر شامل ہیں، بلوچستان اسمبلی کی نمائندگی میں اضافے کی ترمیم ہوگی۔

ذرائع کاکہنا ہے کہ ترامیم میں بلوچستان اسمبلی کی سیٹیں 65 سے بڑھا کر 81 کرنے کی تجویز شامل ہیں ، آئین کے آرٹیکل 63 میں ترامیم کی جائیں گی ، منحرف اراکین کےووٹ سے متعلق آرٹیکل 63میں ترمیم کی جائیگی۔

ذرائع کے مطابق آئینی عدالت کے فیصلے پر اپیل آئینی عدالت میں سنی جائے گی، آئین کے آرٹیکل 181 میں بھی تر میم کئے جانے کا امکان، ہے جبکہ چیف جسٹس کی مدت ملازمت نہیں بڑھائی جائے گی۔

یہ بھی پڑھیں:پر امید اور پر عزم ہیں، نمبر گیم میں مسئلہ نہیں ہوگا، عطا تارڑ

ذرائع کاکہنا ہے کہ اسلام آباد ہائیکورٹ کے ججز کو دوسروں صوبوں کی ہائیکورٹس میں بھیجا جاسکے گا، چیف جسٹس آف پاکستان کا تقرر سپریم کورٹ کے 5 سینئر ججز کے پینل سے ہوگا، آئینی عدالت میں آرٹیکل 184، 185، 186 سے متعلق درخواستوں کی سماعت ہوگی۔

ذرائع کے مطابق حکومت سپریم کورٹ کے  5سینئرججز میں سےچیف جسٹس لگائے گی، آئینی عدالت کے باقی 4 ججز بھی حکومت تعینات کریگا، سپریم کورٹ اور ہائیکورٹ کے ججز کی تعیناتی کیلئے جوڈیشل کمیشن اور پارلیمانی کمیٹی کو اکٹھا کیا جائے گا۔