By بانی پی ٹی آئی عمران خان نے اڈیالہ جیل میں صحافیوں سے غیر رسمی گفتگو کرتے ہوئے کہا ہے کہ مجوزہ آئینی ترامیم اور آئینی عدالت کا قیام اسی وجہ سے لایا جا رہا ہے کیونکہ اشرافیہ سپریم کورٹ سے ڈری ہوئی ہے۔
تفصیلات کے مطابق بانی پی ٹی آئی عمران خان نے کہا ہےکہ آئینی ترامیم اور آئینی عدالت کے قیام کا بنیادی مقصد یہ ہی ہے کہ یہ لوگ سپریم کورٹ سے ڈری ہوئی ہے، انہوں نےکہا کہ نئی ترامیم سے ملک کا مستقبل تباہ ہو جائے گا اورآئینی ترامیم کا مقصد صرف مجھے جیل میں رکھنا ہے، انکا کہنا تھا کہ
حکمرانوں نے عدلیہ کا بیڑا غرق کرنے کافیصلہ کیا ہے اورالیکشن فراڈ چھپانے کے لیے یہ سب کچھ کیا جارہا ہے۔ عمران خان نے کہا کہ یہ ڈرے ہوئے ہیں کہ اگر الیکشن کھل گیا تو سب کچھ ریورس ہو جائے گا ۔ انکا کہنا تھا کہ رول اف لاء کی دھجیاں اڑائی جا رہی ہیں اس سے بڑا ظلم ملک پر نہیں ہو سکتا۔
مزید پڑھیں: حکومت مولانا کو منانے میں ناکام ، آئینی ترامیمی بل کتنے روز کیلئے مؤخر
عمران خان نے کہا کہ یہ ملک سے قانون کی حکمرانی ختم جمہوریت کا بیڑا غرق کر رہے ہیں اورنیب ترامیم میں انہوں نے اپنے اربوں روپے معاف کروا کر خود کو تحفظ دیا ہے۔ عمران خان نے کہا کہ یہ سب کچھ ملکی مفاد کے خلاف ہو رہا ہے ججز کو دھمکیاں،لوگوں کو اغوا کرنا،1سیاسی جماعت کو ختم کرنے سے سیاسی عدم استحکام بڑھے گا۔ترامیم لانے والوں کے پیسے باہر پڑے ہوئے ہیں اورحکومت میں بیٹھے لوگ عدلیہ کو ازاد نہیں دیکھنا چاہتے ۔ عمران خان نے کہا کہ اشرافیہ کا انٹرسٹ اور ملکی مفاد آپس میں متضاد ہیں۔انکا انٹرسٹ الیکشن فراڈ اور اپنا پیسہ بچانے میں ہے۔عمران خان نے کہا کہ 6ماہ میں 4ہزار پاکستانی کمپنیاں دبئی میں رجسٹرڈ ہوئیں لیکن حکمران اشرافیہ کو ان سب سےفرق نہیں پڑنا کیونکہ ان کا اپنا پیسہ اور جائیداد یں باہر ہیں ۔عمران خان نے کہا کہ محسن نقوی کی اہلیہ کی 500 ملین ڈالر کی پراپرٹی دبئی لیکس میں سامنے ائیں۔
مزید پڑھیں: ججز سے مرضی کے فیصلے لینے کے لیے آئینی ترامیم لائی جا رہیں ہیں : چیئرمین پی ٹی آئی بیرسٹر گوہر
عوام کو اپنے حقوق،عدلیہ کو بچانے کے لئے کھڑا ہونا پڑے گا۔میں ججز اور صحافیوں کے ساتھ کھڑا ہوں اوریہ قاضی فائز کو دوبارہ لا کر عدلیہ کو تباہ کرنا چاہتے ہیں۔ عمران خان نے کہا کہ یہ سمجھتے ہیں ہم اسکے خلاف خاموش رہیں گے۔ہم اسکے خلاف بھرپوراحتجاج کریں گے۔لاہور میں پرامن جلسہ اور تاریخی احتجاج کریں گے ۔یہ ہمارے ملک کے مستقبل کا مسئلہ ہے۔انکو پتہ ہے قاضی فائز گیا تو انسانی حقوق کی پٹیشنز سنی جائیں گے،اسی ڈر سی یہ ملک تباہ کر رہے ہیں۔
