By پاکستان تحریک انصاف (پی ٹی آئی) نے لاہور میں 21ستمبر کو جلسے کی اجازت کیلئے لاہور ہائی کورٹ سے رجوع کر لیا۔
تفصیلات کے مطابق تحریک انصاف کی طرف سے صوبائی عدالت میں درخواست عالیہ حمزہ اور امتیاز محمود شیخ نےدائر کی، درخواست میں ڈپٹی کمشنر لاہور اور حکومت پنجاب سمیت دیگر کو فریق بنایا گیا ہے۔
یہ بھی پڑھیں:آئینی ترامیم میں ناکامی : فیصل واوڈا نے حکومت کو نااہل قرار دیدیا
درخواست میں مؤقف اپنایا گیا ہے کہ مولانا فضل الر حمٰن نے مینار پاکستان پر جلسہ کیا، پی ٹی آئی کو جلسے کی اجازت نہ دینا غیر آئینی اقدام ہے، ملک کی پالولر جماعت کو مینار پاکستان پر جلسے کی اجازت نہ ملنا بنیادی حقوق کی خلاف ورزی کے زمرے میں آتا ہے ۔
یہ بھی پڑھیں:شیر افضل مروت کا رہائی ملتے ہی اسلام آباد پولیس کیخلاف بڑا اعلان
درخواست میں مزید کہا گیا کہ ہا ئی کورٹ نے 9 اگست کو ڈی سی لاہور کو جلسہ کرنے کی اجازت دینے کا حکم دیا تھا، ڈپٹی کمشنر نے عدالتی احکامات پر عمل درآمد نہیں کیا، عدالت ضلعی انتظامیہ کو پی ٹی آئی کو لاہور میں21 ستمبر کے دن جلسہ کرنے کی اجازت کا حکم دے۔
