نومبر سے عوام کو وزیراعلیٰ پروگرام کے تحت سولر پینل فراہم کرنے کا اعلان

نومبر سے عوام کو وزیراعلیٰ پروگرام کے تحت سولر پینل فراہم کرنے کا اعلان

وزیراعلیٰ پنجاب مریم نواز کی زیر صدارت پلاننگ اینڈ ڈویلپمنٹ بورڈ کے اجلاس میں فیصلہ کیا گیا کہ نومبر سے عوام کو وزیراعلیٰ کے پروگرام کے تحت سولر پینل فراہم کیے جائیں گے۔

اجلاس میں یہ بھی منظور کیا گیا کہ پنجاب میں سولر پینلز کی مقامی طور پر تیاری کے لیے چیف منسٹر فنڈ فار سولر پینل پروڈکشن مینوفیکچرنگ قائم کیا جائے گا۔

مزید پڑھیں: سولر پینلز کی قیمتوں میں بڑی کمی

مزید برآں پنجاب کی 100 تحصیلوں میں 15 اکتوبر تک “ستھرا پنجاب” مہم کی لانچنگ کا آغاز ہوگا۔اجلاس میں صفائی کے عمل کو بہتر بنانے کے لیے دو ہفتے میں 100 تحصیلوں میں آؤٹ سورس ماڈل کے تحت صفائی کے عمل کا آغاز کیا جائے گا۔

“ستھرا پنجاب” کے دوسرے فیز میں 15 نومبر سے مزید 34 تحصیلوں میں بھی صفائی کا آغاز کیا جائے گا۔وزیراعلیٰ نے اسپتالوں میں صفائی کو یقینی بنانے کی ہدایت بھی کی۔ لاہور میں پاکستان کا پہلا سرکاری آٹزم اسکول کا پراجیکٹ ایک سال میں مکمل کرنے کی ہدایت کی گئی اور وائلڈ لائف تحفظ کے تحت پنجاب میں پہلی بار جنگلی حیات کی شماری کرانے کا فیصلہ کیا گیا۔

اس کے علاوہ پنجاب کے مزید 9 اضلاع میں دستک سروسز شروع کرنے کی منظوری بھی دی گئی۔ پہلی بار کاربن کریڈٹ اسکیم کے اجرا کی منظوری کے ساتھ ساتھ وزیراعلیٰ مریم نواز نے پنجاب کا پہلا فلم فنڈ قائم کرنے کی بھی منظوری دی۔

Related Articles

Leave a Reply

Your email address will not be published. Required fields are marked *