الیکشن کمیشن سے نااہلی اور بدنظمی پر افسران 120 دن کے لئے معطل

چیف الیکشن کمشنر نے نا اہلی اور بدنظمی پر الیکشن کمیشن کے تین افسران کو 120 دن کے لیے معطل کرنے کے آرڈر جاری کیئے ہیں۔

تفصیلات کے مطابق الیکشن کمیشن آف پاکستان نے تین الیکشن افسران کو بد نظمی اور نا اہلی کی شکایات پر 120 دن کے لیے معطل کیا ہے۔جن میں
صوبائی الیکشن کمشنر سندھ شریف اللہ کو نااہلی اور بدنظمی پر 120 دن کے لیے معطل کیا گیا اورالیکشن کمیشن نے ڈائریکٹر ایڈمن، صوبائی الیکشن کمیشن سندھ اظہر حسین ٹنواری کو بھی معطل کر دیا۔

اس کیساتھ ساتھ الیکشن کمیشن نے الیکشن افسر کراچی خدا بخش کو بھی معطل کر دیا ہے اور الیکشن کمیشن سے جاری نوٹیفیکیشن کے مطابق تینوں افسران انکوائری کے مکمل ہونے اور اگلے احکامات تک کراچی میں رہیں گے ۔