By پاکستان تحریک انصاف (پی ٹی آئی) کے رہنما شیر افضل مروت نے طبیعت خراب ہونے کے باعث لاہور میں منعقد ہونے والے پی ٹی آئی کے جلسے میں شرکت سے معذرت کر لی ہے۔
سماجی رابطے کی ویب سائٹ ایکس پر انہوں نے کہا کہ “دن کے وقت میری طبیعت ٹھیک تھی، لیکن شام کو بگڑ گئی اور اس بار زیادہ شدید ہے۔ مجھے ہسپتال سے ڈسچارج کر دیا گیا تھا اور میں لاہور جلسے میں شرکت کی امید کر رہا تھا، لیکن کمزوری بہت زیادہ ہے۔
یہ بھی پڑھیں: چیئرمین تحریک انصاف کی قیادت میں پی ٹی آئی کا کارواں لاہور روانہ
انہوں نے مزید کہا “ان حالات میں شاید میں لاہور کا سفر نہ کر سکوں۔ مجھے امید ہے کہ لاہور اور پنجاب کے لوگ خان صاحب کی حمایت کے لیے نکلیں، اللہ پاک پاکستانیوں کو ہمت دے۔”
یاد رہے کہ دو روز قبل شیر افضل مروت کا کورونا ٹیسٹ مثبت آیا تھا، جس کے بارے میں انہوں نے پارٹی رہنماؤں کو آگاہ کیا تھا۔ اس حوالے سے بھی انہوں نے ایکس پر لکھا تھا کہ ابتدائی ٹیسٹوں سے معلوم ہوا کہ وہ کورونا سے متاثر ہیں اور اسپتال میں داخل ہیں۔
