By ملازمت اور زندگی گزارنے کے لیے دنیا کے بہترین ممالک کی فہرست میں ڈنمارک پہلے ، سویڈن دوسرے اور سوئٹزر لینڈ کا تیسرا نمبر ہے۔
تفصیلات کے مطابق فہرست میں 98 ممالک شامل ہیںجن کی درجہ بندی کسی ملک میں دستیاب جاب مارکیٹ، انکم ، مہنگائی، تحفظ، سیاسی استحکام، تعلیمی اور طبی نظام کی سہولیات کو مدنظر رکھ کر بنائی گئی ہے ۔
یہ بھی پڑھیں:اقوام متحدہ کی جنرل اسمبلی میں نیتن یاہو کا خطاب ، پاکستان کا احتجاجاً واک آؤٹ
اس سروے کیلئے 22 مارچ سے 23 مئی 2024 تک دنیا بھر میں 17 ہزار افراد کا انٹرویو کیا گیا ۔ ڈنمارک فہرست میں پچھلے سال چوتھے نمبر پر تھا لیکن اس سال سرِفہرست ہے کیو نکہ وہاں مفت علاج، بچوں کی نگہداشت کی خدمات میں سبسڈیز اور یونیورسٹی کے طلباء کی فیس کی ادائیگی میں مدد جیسی اہم سہولیات دستیاب ہیں۔
یہ بھی پڑھیں:امریکہ میں ویزا فری انٹری، قطر پہلا خلیجی ملک بن گیا
ان ہی خدمات کی وجہ سے قبل ڈنمارک کوبیرون ملک کام کرنے کے خواہشمند افراد کیلئے بھی دنیا کا بہترین ملک قرار دیا گیا تھا۔ ڈنمارک، سویڈن اور سوئٹزرلینڈ کے بعد ناروے، کینیڈا، فن لینڈ، جرمنی، آسٹریلیا، نیدرلینڈز اور نیوزی لینڈ کا فہرست میں نمبر ہے۔ فہرست کے مطابق مشرق وسطیٰ کا بہترین ملک متحدہ عرب امارات اور دوسرا نمبر قطر کا آتا ہے۔ ایشیائی ممالک میں پہلا نمبر سنگاپور،اس کے بعد جنوبی کوریا اور چین شامل ہیں۔
